Diul a Hosanna

Chelechang, betik er a renguk el rodam me a rodos, el dolbedebek er a Kot el Ues er a Joseph Smith er a Chedam me a Ngelekel, e aki milchesuar el kmo ng melemalt el dedak el oldeu a rengud el dmak el meruul er a Diul a Hosanna.

Tia el chedaol el diu a mle kot el meruul er tia el uriul el klebesei er a taem er a oterekeklel a Kirtand Temple er a March 27, 1836. Chelechang e te meruul er ngii er a oterkeklel a bek el templo. Ng chedaol el odanges el mora Chedam me a Ngelekel, el olechotel a rengrir a seked er a Sisebellel a Osobel er a Jerusalem. Ng dirrek el omeketakl er sel ngeasek el Joseph a milchesuar er sel sils er a le ngara Chedaol Oreomel—ulngakl, el Chedam me a Ngalek a teru el ouKlebkall el Chad, el kid a mengull e oldanges.

Chelecha e ak mo olecholt el kmo ng mekera e a Diul a Hosanna a mekedmokl. El kuruul er ngii, e ak siotai er a rebil er ngak er a tekoi er a melidiul el mo meruul er tiang el oba kmal chedaol el ultab el obengkel a chetengakl me a omengull.

A ngidi el chad el ngii mo meruul er tiang a mo nguu a beches el becheleleu el mamed, orreked er a ta er a bkul, e omiroi er ngii e dmak el rokui el melekoi, “Hosanna, Hosanna, Hosanna el mora Dios me a Ngelekel,” el omelekl er ngii el edei el taem, e okiuellel a “Boluaisei, Boluaisei, e Boluaisei.” E ng di a lsekum e ng diak a becheleleu el memedem, e ng sebechem el di omiroi er a chimam.

Rodam me a rodos, ak siotai er a kemiu el mo dechor e meruul er tia el Diul a Hosanna, el uriul er a “Cheliteklel a Hosanna” me a “The Spirit of God”¹ a mo mechitakl.

Ngara oked er a oungerachel, e a kulengit me bodedak el mengitakl er a “The Spirit of God.”