Ifa usun an ewe Pristut efeiechu Sarafo
Non ewe pristut, sipwe tongeni marita. Ewe pristut a aworato saram non manawach.
Uwa unusen kinisow ai nomw ikei. Nupwen uwa keran sinei pwe upwe kapas ngeni kemi ikanai, uwa unusen meseik nge, me pwan, unusen tipetekison. A chommong fansoun ai ekieki met upwe afanafana ngeni kemi, me ai anean pwe ewe Ngun mi Fel epwe kapas ngeni kemi non ai kapas.
Non ewe Puken Mormon, Liai a efeichu emon me emon noun kewe aat memwen an mano ewe a anisir ar repwe kuna ar pechekun me nonomwechun manawer. Ngang ewe kukunun me nein wanumen semirit, me non ewe ier a no a karan iei aewin fansoun upwe akanamon neimw. Ren an pwii me mwongei kewe rese urupos rei ese wor emon upwe kapas ngeni iwe a fen weires ngeniei. A fen wor ekkewe pwiin uwa fen mefi ai chok akanamon. Uwa unusen kinisow ren inei me semei, kewe rafen eturesi ar repwe anisiei. Ew awewe ren ei nupwen semei we a ngeniei ewe efeiechun pristut ren echipechipen ew fansoun mei aweires ngeniei. Mwirin an efeiech, ese wor mwitirin ekkesiwin, nge uwa mefi kinamwe me tong seni Semei non Nang me seni semei we. Uwa mefi feiech ren an wor semei mei tufich an epwe ngeniei efeiechun pristut nupwen a auchea ngeniei me ewe a anisiei ai upwe kuna ai pechekun me nonomwech, usun chok Liai a fori nupwen a efeiechu neun kewe semirit.
Ese nifinifin nonomum, efeiechun pristut mei tongeni toruk iteitan. Me ren omw famini, chiechiomw, mwan chon iamwir, souemwenin pristut, me Samach won Nang ewe esapw tongeni peutukono, kopwe tongeni angei ekkewe efeiechun pritut. Elter Neil L. Andersen said: “Ekkewe efeiochun pristut ra unusen watte seni ewe emon a tungor epwe fori ewe niffang. … Ren ach sia nimenimoch, ekkewe angangepinen ewe pristut ra echueno manawach.”1
Kosapw tipemwaramwar omw kopwe tungor ren efeichun pristut nupwen ka mwochen pwan ekkoch aninis. Non ach fansoun mei aweiresi a namot ngenikich an ewe Ngun mi Fel epwe unusen anisikich. Ese wor emon mei unusoch me kich meinisin sia kuna fansoun aweires. Ekkoch me neich sipwe tongeni riafou ren aurek, netipengaw, umwesiti mettoch, ika mefi nafangaw. Efeichun Pristut epwe tongeni anisikich ach sipwe fiu ngeni ekkei sosot me kuna kinamwe ren ach sia fetan ngeni mwach. Uwa anean pwe sipwe achocho ach sipwe nimenimoch ren ach sipwe angei ekkei feiech.
Pwan ew anen ewe pristut a efeiochukich ina ren ewe efeiechun Patriark Uwa fen kaeo ai upwe kun ngeni ai we efeiechun patriark fansoun uwa netipechow ika akanamon. Feiechui a anisiei ai upwe kuna ai tongeni me an Kot we kokkot fan itei. A echipaei me anisiei ai upwe kuna pekinon sineiei non fonufan. A achema ngeniei ren niffangei kewe me ekkewe feiech upwe angeni ika uwa manau nimenimoch. A pwan anisiei ai upwe chechemeni me mefi kinamwe pwe Kot epwe awora penuwan me suki asam ngeniei non ewe euchean fansoun uwa mwochen.
Efeiechun Petriark a anisikich ach sipwe mwonota ach sipwe niwin me nonomw ren Samach non Nang. Uwa sinei pwe efeiechun petriark a feito seni Kot me a tongeni anisikich ach sipwe okunu ach apwangapwang ngeni pechekun. Mei wor ekkewe porous seni ekkewe ra kan sinei porousen met epwe fis ngenikich ekkei feioch ra esinei ngeni kich met sia mochen sipwe rong. Ra usun ew Liahona fan iten emon me emon kich. Nupwen sia akomwa Kot me sia nuku non Ii, Ii epwe emwenikich non ach neniengaw.
Usun chok Kot a efeichu Joseph Smith ngeni ewe pristut pwe feiechun ewe kapas allim epwe niwinsefan, sia tongeni angei kewe feiechun ewe kapas allim non manawach seni ewe pristut. Iteiten wiik a fen kawor ngenikich fansoun me tufichin ach sipwe angei ewe sakrament. Non ei angangepinen pristut, ewe Ngun mi fel a tongeni nonomw rech iteitan, ewe epwe tongeni nimetikich me echukicheno. Ika sia mefi pwe sipwe oturano och mettoch seni non manawach, tori emon souemwen ka nuku ewe epwe tongeni anisuk omw kopwe niwin safan ngeni ewe aan mi pung. Noumw souemwen repwe tongeni anisuk omw kopwe angei unusen ewe pechekunen ewe Achesafan an Jises Kraist.
Kinisow ngeni ewe pristut, sia pwan tongeni angei feiechun ekkewe angangepin non ewe tempel. Seni ai wa keran tongeni tonong non ewe tempel, uwa finata ai upwe fori me euchani ai upwe fiti iteitan. Ai awora fansoun me fori met mei namwot ren ach sipwe arap ngeni Samach non Nang non Imwan mi pin, Uwa fen feiech ren ai angei pekin pwarata me memef kewe ra unusen anisiei non manawei.
Non ewe pristut, sipwe tongeni marita. Ewe pristut a aworato saram non manawach. Elter Robert D. Hales a apasa: An esapw wor ewe pechekunen pristut, ‘unusen fonufan epwe nusmwan’ (nengeni D&C 2:1–3). Esapw wor saram, ese wor apinukunuk—rochopwak chok.”2
Kot a emweir fan itach. A mwochen sipwe niwin ngeni I. A sinei emon me emon kich. A sinei kemi. A tongei kich. Ii a fen sineikich iteitan me efeiechukich inamwo ika nupwen sia mefi pwe sise ukungeni. Ii a sinei met sia mwochen me inet sia mwochen.
“Oupwe tingor, iwe oupwe angei, oupwe kutta, iwe oupwe kuna, oupwe fichifich iwe ewe asam epwe suk ngeni kemi:
“Oupwe tingor, iwe oupwe angei, oupwe kutta iwe oupwe kuna, oupwe fichifich, iwe ewe asam epwe suk ngeni kemi” (Matthew 7:7–8).
Ika esa mwo wor omw pwarata ren ewe pristut, Uwa pesei kemi ne iotek me eis ren ami oupwe pwisin sinei usun pechekunan me aneani ekkewe pukfel pwe oupwe rongorong an Kot kapas. Uwa sinei pwe ika sia fori ach achocho ach sipwe sinei pechekunen an Kot ewe pristut non manawach, sipwe feiech. Non iten Jises Kraist, amen.