Puchorun Mwareiti

Iei, pwi me fefinei mi acheingicheing, nupwen sia pwapwaiti an Joseph Smith Aewin Nemasepwin ewe Sam me ewe Nau, aua mefi pwe epwe och ach sipwe pwapwa fengen ren ach fori ewe Puchorun Mwareti.

Ei puchor mi pin mi akkomwan fis non ei fansoun soponon ren ewe epinipinin ewe Kirtland Tempel non March 27, 1836. Iei sia fori iteiten fansoun sia epinano eu tempel. Mi eu asor mi pin ngeni ewe Sam me ewe Nau, a esisina met ekkewe aramas mi fori nupwen ewe Chon Amanau A niwin ngeni Jerusalem non ning. A pwan apochokuna met a fis ngeni ewe at Joseph non ewe Nenien Ira mi Pin—napangeni, pwe ewe Sam me ewe Nau ir ruemon Aramas minne sia fen ngeni me mwareiti.

Iei upwe pwarata ifa usun sipwe fori ewe Puchorun Mwareiti. Nupwen ua fori, ua tungorei nouch kewe chon fichi kachito ar repwe sufoniti ei angang mi pin.

Emon me emon a fori epwe angei echo angkisif mi pwech me nimenimoch, me komoch nepwokukun, me amokutu ren ach apasa fengen, “Mwareiti, Mwareiti, Mwareiti Kot me ewe Nam,” fan unungat, mwirn sipwe apasa “Amen, Amen, me Amen.” Nge ika ese wor ami angkisif mi pwech, oupwe chok omokutu poumi.

Pwi me fefinei, iei ua tungorekemi oupwe uta me fori ewe Puchorun Mwareiti, mwirin sipwe konu ewe “Hosanna Anthem” me “Ewe Ngunun Kot Mi Usun Ekkei”¹

Nupwen ewe chon emweni kon a esinesin, ouse mochen fiti kich ne konu “Ewe Ngunun Kot Mi Usun Ekkei.”