Pwe Repwe Tongeni Kuna
Nenengeni me ioteki ren och sokkun fofor om kopwe etinata om ewe saram pwe ekkoch repwe kuna ewe aan ngeni Jises Kraist.
Pwii me mongeei kewe, netipach a fen ur me sofo sefan me ren ewe Ngun minne sia mefi non ei mwichenap.
Ruepuku ier a no, ew saram a nom asan ewe anuwon at nein ekkoch ira. Non ena saram, Joseph Smith a kuna Kot ewe Sam me Noun we, Jises Kraist. Ar saram a assueno rochopwakin kiroch mi epwonueno ewe fonufan me a itini ewe aan mwan ren Sosef Smith--fengen ren kich meinisin. Pokiten ewe saram a pwata non ena ran, kich menisin sia tongeni etiwa unusan feiochun mi kawor me non ewe Affor an ewe Chon Amanau, Jises Kraist.
Ren ennetin Aniwinsefaniton An kapas allim, sia tongeni ureno ren ewe saram an ewe Samol. Nge, ena saram esap ren en me ngang uchok. Sises Kraist a fen kokori kich pwe sipwe “mut ngeni ami saram epwe sarameno me mwen ekkei aramas, pwe repwe tongeni kuna ami kewe foffor me mwareiti Sememi we ewe mi nom non nang.”1 Ua sani ekkei kapas “pwe repwe tongeni kuna.” A eu echimwen tingor seni ewe Samol pwe sipwe fot non ach ekiek usun anisi ekkewe ekkoch ne kuna ewe aan pwe repwe feito ngeni Kraist.
Atun ua 10 ieri, amwe famini a pwapwan ne etiwa Elder L Tom Perry emon chon ewe Engon me Ruemon Aposel atun a churikem nupwen a wor wisan non aiwe sopw.
Asopwanon ewe ran, aiwe famini me chon Perry aiwa mommot fengen non ewe roomwen famini me mongo fengen an inei we anon kukkun apple pie, me Elter Perry a aporousa porousen ekkewe souneng me non unusan fonufan. Ua fokun mwaareno.
A arapaken fansoun mour atun ineiwe a kokoriei ngeni ewe rumwen kuk iwe a eisiniei, “Bonnie, ka amongoni ekkewe chuko?”
Ua mwitir mefi weires; pun use mo. Pwe use mochen feino seni noun ewe Samon Chon Kuno, Ua ereni ineiwe pwe ekkewe chuko ra tongeni echikipin tori nesosor.
Ineiwe a ponuweni non “app.” Non ewe chok atun, Elder Perry a tonong non ewe imwen kuk mi fiti pwapwan neuwan me a eis, “Usun U rong pwe emon epwe amongoni ekkewe chuko? Ngang me neiwe at aiwa tongeni fituk?
O mwa met, uwa fokun efisi ew pwapwan ren ai upwe ne amongoni ekkewe chuko. Ua saa ren ai upwe ne angei noum ewe waten tenki mi oneon. Non ai pwapwaiti, ua akkomono ne mwetemwet won ewe aanen noom ngeni nekien ekkewe chuko. Komochun tenki ngang mi uwei me sasi non pei, aiwa fetan seni ewe ataken corn me fetanenong passini ewe ataken wheat.
Tori ewe kinikinin chonu pupu mi fitanong ewe aan, ua mweteno won ewe konik use pwan ekieki pwe ua soun fori non fitu pwin fan chommong. Use tepereni ren Elter Perry an achochon epwe tapwmwiri non ewe kiroch, ese sinei ewe aan. Neiwe tenki mi mwokutukkutfetan ese anisi ne kuna ewe pwang. Pokitan ese wor tenki saram won ewe aan, a ipwetiw non ewe konik me a neuwate puchorun. Mwairu, ua kun ngeni minafon chiechiewe me kuna an ipwau pechenewe a uren chochon me wichikikana konik seni noun ewe choun leather sus.
Fiti noun sus mi uren konik non, Elter Perry a anisiei ne amongoni ekkewe chuko. Mwirin am oua wes, i a aurouraei non tong, “Bonnie mi namot ai upwe kuna ewe aan” Mi namot ewe saram epwe tinoch ian ua fetan no ia.
Ngang ua etina neiwe tenki ngo esap non ewe nikinik pwe epwe anisi Elder Perry. Iei, uwa sinei pwe a namot ewe saramen tenki epwe asaramano ewe aan, ua wenengeni ewe saram mwen ipwan we me aiwa tongeni niwnsefaniti neim ese or osukosukan.
Pwi me mongei, non chommong ier ua ekieki ewe nongonong ua kaeo seni Elter Perry. An ewe Samol kokorikich pwe sipwe aora ach saram esap chok ren anupuu fetanei eu tenkin saram me atinafeini non fonufan. Nge a eu awenewen ren ach saram ngeni ekkewe ekkoch repwe kuna ewe aan ngeni Kraist. Iwe a ionfengeni Israel won ei eppek ren ewe mangakun eppet—anisi ekkoch pwe repwe kuna ewe aanen ipweno mwer won ngeni ar repwe fori ekkoch pwon mi pin ren Kot.2
Ewe Samon a pwarata, “Nengeni ngang ewe saram; ua fen awora ew nenien appiru fan itemi.”3 Sipwe nengeni eu awewen an appiru.
Ewe fefin ren ewe ito a emon chon Samaria ewe ese mo sinei Sises Kraist me chommong ra sinei pwe I a emon chon nukun non an ewe pwisin teninnimw. Jises a churi me a poputa ne porous ngeni. A kapasa ngeni i usun konik. Iwe A emweni ngeni saram mi sarameno atun A pwari ngeni pwe I ewe “konikin manau.”4
Kraist a sinei i me a sinei met mi namwot ngeni. A churi ewe fefin ikeweia a nonom ian me a poputa ne porous usun och mettoch mi sisinei. Ika pwe e kouno ikewe, epwe men menemenoch ar poporous. Nge meni esap fis met ewe fefin epwe feino non ewe teninnimw ne aporousau pwe, “Feito kuna … esap iei ewe Kraist?”5 Nge ekis me ekis, non ar poporous, i a esinna Jises Kraist, me inamo manuan me nom, i a winiti eu nounoun saram, mi asaramano ewe aan ren ekkoch repwe kuna.6
Iwe sipwe ne nenengeni ruemon aramas ra tappweno mwirin an ewe Chon Amanau nenien appuru ren aninisin saram. Ekkis kukuton fansoun chienei we Kevin a mommot arrun emon chon angangen nouwis tekia attun mongon nekunion. A aureki met epwe ani kapas non ukkukun ru awa. Wesin seni an memef, Kevin a eisin, “Ereni ei usun om famini. Ian ra feito me ia?”
Ewe mwan a sinei ekkisichok porausan an newo, iwe Kevin a wau noun ewe cell phone, me era, “Mi wor aien app mi ochu aramas ngeni ar famini. Sipwe pi met sipwe tongeni kuna.”
Mwirin ar nangataman fos , pwiin Kevin ei minafo a eisini “Pwata famini mi auchea ngeni om Mwichefel?”
Kevin a penuweni ren mecheres pwe, “Aiwa nuku pwe sia sopweno ne manau mwirin sia mano. Ika sia kaeo iten ach kewe neo me uwei iter kewe ngeni eu neni mi pin a iteni temple, sia tongeni fori angangen opupunu pin minne epwe anommufengeni ach kewe famini mwirin mano.”7
Kevin e poputa ren och mettoch i me pwiin we minafo mi nonno fengen. Iwe a kutta eu aanen an epwe pwarata usun an ewe Samon saram me tong.
Ewe oruan porous a fos usun Ella, emon chon basket non college. An nenien eppiru a fis nupwen a tori an kokon missionary nupwen I mi sukun. A finata epwe suki ewe koko me mwen mesan an ewe team. Ir rese mo ngo sinei ekkis usun ewe Mwichefenin Jises Kraist me rese sinei pwota Ella e mochen ne feino angangen missionary. I afen ioteki fan fitei an epwe sinei ifan usun an epwe awewei an kokkorun mission ngeni chienan kewe pwe repwe tongeni mefi ewe Ngun. An ponu?
“Ua fori eu PowerPoint” anon Ella, “pokiten ngang mi angekapwe.” A ereni ir usun an epwe tongeni angang non eu ekkewe 400 nenien mission me menni epwe kaeo och fos minafo. A pwari ngoroun ekkewe misineri ra fen angang. Ella a asopwano ren ewe sasingin ewe Chon Amanau me an pwaratan an kapasen pwarata: “Basketball a eu mettoch mi auchea ngeniei. Ua mokut towau seni ai famini ren ai upwe fiti ei coach me fiti ei team. Ekkewe chok ru mettoch ekkon auchea ngeniei seni basketball a ai nuku me ai famini.”8
Iwe, ika pwe ke ekieki, “Ekkei ra fakkun pochokunen 1000 watt ren awewen eppuru, nge ngang ua chok pochokunini 20-watt tama,” chechemeni pwe ewe Chon Amanau a pwarata, “Ngang ewe Saram minne oupwe etinata.”9 A achema ngeni kich pwe I epwe wato ewe saram ika pwe sia itini aramas ngeni I.
En me ngang mi or saram rech ach sipwe aeafengen ie chok. Sia tongeni asarama i pwan emon ne anisi an epwe arap ngeni Jises Kraist, me soposopono ne asarama ippwer.
Eisini pwisin en, “Ion a mochen ewe saram a wor rei pwe epwe kutta ewe aan ir mi mochen ngo rese tongeni kuna?”
Achengicheng pwii, pwata ach asarama ach saram a osen auchea? Ewe Samol a apasa ngenikich pwe “mi chok wor chommong non ei fonufan … rese kuna ewe ennet pokiten rese sinei ia repwe kutta ian.”10 Sia tongeni aninis. Sia tongeni ennetin wau ach saram pwe ekkoch repwe tongeni kuna. Sia tongeni eisini ir.11 Sia tongeni fetan won anner ekkewe ir ion ra ipweno fetan ngeni ewe Chon Amanau, esap nifinifin ikamo mi mangano. Sia tongeni ionfengeni Israel.
Ua pwarata ewe Samol epwe anapano meinisin om kukkun angangen achocho. Ewe Ngun mi Fel epwe amemef ngeni kich ach sipwe sinei met sipwe apasa me fori. Ach anganga meni epwe fori met sipwe ngafou seni met sise fofori me nom mi aro weires, nge sipwe sinei pun ewe Samol epwe anisi ach saram epwe tinoch.
Uwa men fokun kinisou ren an ewe Chon Amanau saram, minne mi sopweno ne atinaochu ei Mwichefel ren pwarata.
Ua kokori kich meinisin pwe sipwe tapweno mwirin an Jises Kraist nenien appuru me sipwe tongesich ne esinna ekkewe ekkoch unukuch. Nennengeni me ioteki ren och sokkun fofor om kopwe etinata om ewe saram pwe ekkoch repwe kuna ewe aan ngeni Sises Kraist. An pwon mi nap; “Io mi tapweno mwiri esap fetan non rochopak, nge epwe wor ren ewe saramen manau.”12 Ua pwarata pwe ewe Chon Amanau, Jises Kraist, I ewe aan, ewe ennet, ewe manau, ewe Saram, me ewe tong non ei fonufan. Non iten Jises Kraist, amen.