Dídà Bí Rẹ̀

Ní ọdún díẹ̀ sẹ́hìn, ìyàwó mi àti èmi dúró ní ibi tírélíẹẹ̀dì òkè gígajùlọ ti Japan, Òkè Fújì. Bí a ti bẹ̀rẹ̀ òkè gígùn wa, a wòkè sí ibi góngó jíjìnnà réré náà a sì ronú bí a bá le débẹ̀.

Àwòrán

Òkè Fújì

Bí a ti ntẹ̀síwájú, àárẹ̀, ọgbẹ́ iṣan, àti àwọn àyọrísí ibi gíga wọlé wá. Pẹ̀lú ọpọlọ, ó di pàtàkì fúnwa láti fi ojú sùn lórí ìgbésẹ̀ tí ó tẹ̀lé nìkan. A nwí pé, “Mo lè má le dé orí òkè láìpẹ́, ṣùgbọ́n mo le ṣe ìgbésẹ̀ tí ó kàn yí nísisìyí.” Àsìkò lẹ́hìn àsìkò iṣẹ́ dídaniláàmú náà di ohun tí ó ṣeéṣe nígbẹ̀hìn—ní ìgbésẹ̀ sí ìgbésẹ̀.

Ìgbésẹ̀ ìkínní ní ipa ọ̀nà ti dídà bí Jésù Krístì yi ni láti ní ìfẹ́ inú láti ṣe bẹ́ẹ̀. Níní òye ọ̀rọ̀ ìyànjú láti dàbí Rẹ̀ dára, ṣùgbọ́n òye náà nílò láti jẹ́ fífi pẹ̀lú ìpòngbẹ láti yí ara wa padà, ìgbésẹ̀ kan ní àkókò kan, tayọ àdánidá ènìyàn.⁷ Láti mú ìfẹ́ inú náà dàgbà, a gbọ́dọ̀ mọ ẹnití Ó jẹ́. A gbọdọ̀ mọ nkan kan nípa ìhùwàsí Rẹ̀,⁸ a sì gbọdọ̀ wò fún àwọn àbùdá Rẹ̀ nínú ìwé mímọ́, àwọn ìsìn, àti àwọn ibi mímọ́ miràn. Bí a bá ti bẹ̀rẹ̀ láti mọ̀ Ọ síi, a ó rí àwọn àbùdá Rẹ̀ ní híhàn lára àwọn ẹlòmíràn. Èyí yio gbàwá níyànjú nínú ìwádi tiwa, nítorí bí àwọn ẹlòmíràn bá le ṣe ìwọ̀n àwọn ìhùwàsí Rẹ̀, bẹ́ẹ̀ ní àwa náà le ṣe.

Bí a bá ṣe olõtọ́ pẹ̀lú ara wa, Imọ́lẹ̀ Krístì⁹ nínú wa nsọ kẹ́lẹ́kẹ́lẹ́ pé àlàfo wà ní ààrin ibi tí a wà ní àfiwé pẹ̀lú ìhùwàsí Olùgbàlà tí a ní ìfẹ́ inú sí.¹⁰ Irú ìṣòtítọ́ bẹ́ẹ̀ ṣe kókó bí a bá fẹ́ tẹ̀síwájú ní dídà bí Rẹ̀. Nítòótọ́, ìsòtítọ́ jẹ́ ọ̀kan lára àwọn àbùdá Rẹ̀.

Àwòrán

Ìparun jígí lé-ìṣeré

Nísisìyí, àwọn wọnnì lára wa tí wọ́n jẹ́ akíkanjú le gbèrò bíbéérè lọ́wọ́ ẹnikan tí wọ́n ní ìgbẹkẹ̀lé nínú rẹ̀, ọmọlẹ́bí, ọkọ tàbí aya, ọ̀rẹ́, tàbí olùdarí ní ti ẹ̀mí àbùdá Jésù Krístì wo ni a nílò—ó sì ṣeéṣe kí a nílò láti gba ara wa dì fún ìdáhùn náà! Nígbàmíràn a nrí ara wa pẹ̀lú àwọn jígí dídàrú ti ilé-àwàdà tí nfi wá hàn bóyá ní títóbi síi tàbí kíkéré síi ju bí a ti rí gan an lọ.

Àwọn ọ̀rẹ́ àti ọmọlẹ́bí tí a ní ìgbẹkẹ̀lé nínú rẹ̀ le ràn wá lọ́wọ́ láti rí ara wa déédé síi, ṣùgbọ́n àwọn náà, bí wọ́n ti jẹ́ olùfẹ́ni tó àti tí yío wù wọ́n láti ṣe ìrànwọ́, wọ́n le rí àwọn nkan ní àìpé. Bíi àyọrísí, ó ṣe kókó pé bákannáà kí a béèrè lọ́wọ́ Baba wa Ọrun ohun tí a nílò àti ibi tí a nílati da ojú àwọn akitiyan wa kọ. Ó ní ìwò pípé fún wa yío sì fi àìlera wa hàn wá pẹ̀lú ìfẹ́.¹¹ Bóyá ìwọ yío kọ́ pé o nílò sùúrù, ìrẹ̀lẹ̀, ìṣoore, ìfẹ́, ìrètí, aápọn, tàbí ìgbọràn tí ó pọ̀ síi, láti dárúkọ àwọn díẹ̀.¹²

Ní àìpẹ́ púpọ̀ sẹ́hìn, mo ní ìrírí nínà-ẹ̀mí kan nígbàti olùfẹ́ni adárí Ijọ kan dá àbá kan tààrà gan an pé mo le lo ìwọ̀n títóbi síi ti àbùdá kan pàtó. Pẹ̀lú ìfẹ́ni ní ó njálu èyíkéyi àwáwí. Ní alẹ́ náà, mo ṣe àbápín ìrírí yi pẹ̀lú ìyàwó mi. Ó jẹ́ olùṣerere pẹ̀lú àánú àní bí ó ti fi ara mọ́ àbá rẹ̀. Ẹ̀mí Mímọ́ fi ẹsẹ̀ rẹ̀ múlẹ̀ sí mi pé ìmọ̀ràn wọn jẹ́ láti ọ̀dọ̀ olùfẹ́ni Baba Ọrun.

Ó le ṣe ìrànwọ́ bákannáà láti fi pẹ̀lú òtítọ́ parí iṣẹ́ ìdárayá ti àbùdá Ìwàbíi Krístì ní orí 6 ti Wàásù Ìhìnrere Mi.¹³

Níwọ̀n ìgbàtí o bá ti ṣe àyẹ̀wò nítòótọ́ tí o sì pinnu láti bẹ̀rẹ̀ ìrìn àjò sí orí òkè náà, ìwọ ó nílò láti ronúpìwàdà. Ààrẹ Russell M. Nelson fi tìfẹ́tìfẹ́ kọ́ni pé: “Nígbàtí a bá yàn láti ronúpìwàdà, a yàn láti yípadà! A nfi àyè gba Olùgbàlà láti yí wa padà sí ẹ̀dà dídárajùlọ ti ara wa. A yàn láti dàgbà ní ti ẹ̀mí kí a sì gba ayọ̀—ayọ̀ ìràpadà nínú Rẹ̀. Nígbàtí a bá yàn láti ronúpìwàdà, a yàn láti dàbí Jésù Krístì síi.”¹⁴

Dídà bí Jésù Krístì ti rí yio gba yíyí ọkàn àti inú wa padà, nítòótọ́, ìwà wa gan an, àti pé síṣe bẹ́ẹ̀ ṣeéṣe nípasẹ̀ ore ọ̀fẹ́ tí ngbanilà ti Jésù Krístì níkan.¹⁵

Nísisìyí tí o ti pinnu láti yípadà kí o sì ronúpìwàdà, tí o sì ti wá ìtọ́ni nípasẹ̀ àdúrà, ríronú pẹ̀lú òtítọ́, àti bóyá dídámọ̀ràn pẹ̀lú àwọn ẹlòmíràn, ìwọ yío nílò láti yan àbùdá kan tí yío jẹ́ ìjìnlẹ̀ àfojúsùn rẹ. Iwọ ó nílò láti fi ara mọ́ lílo akitiyan tí ó nítumọ̀. Àwọn àbùdá wọ̀nyí kò ní wá ẹ̀dínwó àti lójijì, ṣùgbọ́n nípasẹ̀ ore ọ̀fẹ́ Rẹ̀ wọn ó wá ní àlékún nígbàtí a ntiraka.

Àwọn àbúdá Ìwàbíi Krístì jẹ́ àwọn ẹ̀bùn láti ọ̀dọ̀ olùfẹ́ni Baba láti bùkún wa àti àwọn wọnnì ní àyíka wa. Nítorínáà, àwọn akitiyan wa láti gba àwọn àbùdá wọ̀nyí yío nílò àwọn ẹ̀bẹ̀ àtọkànwá fún ìrànlọ́wọ́ àtọ̀runwá Rẹ̀. Bí a bá lépa àwọn ẹ̀bùn wọ̀nyí láti sin àwọn ẹlòmíràn dáradára síi, Òun yío bùkún wa nínú àwọn akitiyan wa. Fífi ìmọtaraẹni lépa ẹ̀bùn láti ọ̀dọ̀ Ọlọ́run yío yọrí sí ìjákulẹ̀ àti ìbànújẹ́.

Nípa fífi ojú sùn jinlẹ̀ sí orí àbùdá kan tí a nílò, bí o ti ntẹ̀síwájú ní gbígba àbùdá náà, àwọn àbùdá miràn yío bẹ̀rẹ̀ sí di àfikún fún ọ. Njẹ́ ẹnikan tí ó nfojúsùn jinlẹ̀ lórí ìṣerere kì yío ha lékún ní ìfẹ́ àti ìrẹ̀lẹ̀ bí? Njẹ́ ẹnikan tí ó nfojúsùn jinlẹ̀ lórí ìgbọràn kì yío ha jèrè aápọ̀n àti ìrètí títóbi síi bí? Àwọn akitiyan pàtàkì rẹ láti jèrè àbùdá kan á di ìgbì omi tí ngbé gbogbo àwọn ọkọ̀ sókè ní èbúté

Ó ṣe pàtàkì fún mi bí mo ti ntiraka láti dàbí Rẹ̀ láti kọ àwọn ìrírí mi sílẹ̀ àti àwọn ohun tí mo nkọ́. Bí mo ti nṣe àsàrò pẹ̀lú ọ̀kan nínú àwọn àbùdá Rẹ̀ jinlẹ̀ ní inú mi, àwọn ìwé mímọ́ di titun bí mo ti nrí àwọn àpẹrẹ ti àbúdá yi nínú àwọn ìkọ́ni Rẹ̀, iṣẹ́ ìránṣẹ́ Rẹ̀, àti àwọn ọmọ ẹ̀hìn Rẹ̀. Ojú mi bákannáà di fífisùn sí orí dídá àbùdá náà mọ̀ nínú àwọn ẹlòmíràn. Mo ti ṣe àkíyèsí àwọn ẹnìkọ̀ọ̀kan oníyanu méjéjì nínú àti ní òde Ijọ tí wọ́n ní àwọn àbùdá tí ó fi ara wé E. Wọ́n jẹ́ àpẹrẹ tí ó lágbára ti bí àwọn àbùdá wọnnì ṣe le farahàn nínú àwọn ẹni kíkú lásán nípasẹ̀ ore ọ̀fẹ́ ìfẹ́ni Rẹ̀.

Kí o le rí ìtẹ̀síwájú gan an, ìwọ ó nílò láti fi akitiyan tí a mú dúró síi. Gẹ́gẹ́ bí gígun òkè ṣe nílò ìgbaradì ṣaájú àti ìfaradà àti ìpamọ́ra ní ìgbà ìgòkè, bẹ́ẹ̀ náà ni ìrìnàjò yi ṣe nílò akitiyan òtítọ́ àti ìrúbọ. Kristiẹ́nítì tòótọ́, nínú èyítí a ntiraka láti dàbí Olùkọ́ni wa, ti nfi ìgbà gbogbo nílo àwọn akitiyan wa tí ó dára jùlọ.¹⁶

Nísisìyí ọ̀rọ̀ ìkìlọ̀ ní ṣókí. Àṣẹ láti dàbí Rẹ̀ kìí ṣe pẹ̀lú èrò láti mú ọ ní ìmọ̀lára ẹ̀bi, àìyẹ, tàbí àìfẹ́ràn. Gbogbo ìrírí wa ní ayé kíkú jẹ́ nípa títẹ̀síwájú, gbígbìyànjú, kíkùnà, àti yíyege. Bí ó ti le wu ìyàwó mi àti èmi tó pé kí a le di ojú wa kí a sì fi idán gbé ara wa dé ibi góngó òkè náà, ohun tí ayé wà nípa rẹ̀ kọ́ ni èyíinì.

O dára tó, a fẹ́ràn rẹ, ṣùgbọ́n síbẹ̀ èyí kò túmọ̀ sí pé ó jẹ́ pípé Iṣẹ́ wà láti ṣe ní àyé yi àti ní èyí tí ó kàn. Pẹ̀lú ìrànlọ́wọ́ àtọ̀runwá Rẹ̀ nìkan ni gbogbo wa fi le tẹ̀síwájú sí ìhà dídà bíi Rẹ̀.

Ní àwọn àkókò wọ̀nyí nígbàtí, “ohun gbogbo [farahàn bí] nínú ìdàrúdàpọ̀; àti … ẹ̀rù [dàbí ẹnipé ó] wà ní orí gbogbo ènìyàn,”¹⁷ egbòogi kanṣoṣo, àtúnṣe kanṣoṣo, ni láti tiraka láti dàbí Olùgbàlà,¹⁸ Olùrapadà¹⁹ ti gbogbo ẹ̀dá ènìyàn, Ìmọ́lẹ̀ Ayé náà,²⁰ àti láti lépa Ẹni náà tí ó kéde pé, “Èmi ni ọ̀nà.”²¹

Àwòrán

Olùràpadà

Mo mọ̀ pé dídà bí Rẹ̀ nípasẹ̀ ìrànlọ́wọ́ àti okun àtọ̀runwá Rẹ̀ jẹ́ ohun tí ó ṣeéṣe ní ìgbésẹ̀ sí ìgbésẹ̀. Bí kò bá jẹ́ bẹ́ẹ̀, Òun ìbá má ti fúnwa ní òfin yi.²² Mo mọ èyí—ní apákan nítorípé mo rí àwọn àbùdá Rẹ̀ nínú ọ̀pọ̀lọpọ̀ yín. Nípa àwọn ohun wọ̀nyí ni mo jẹ́rìí ni orúkọ Jésù Krístì, àmín.