اپنی روشنی اُونچی رکھنا

آپ آگاہ ہیں ، آپ اور مَیں جانتے ہیں کہ ہم نے اِس زمین پر آنے سے پہلے اپنے آسمانی والدین کے بچّوں کی حیثیت سے زِندگی گُزاری^۴ اور کہ زمِین ہر شخص کو ابدی زِندگی—خُدا کی زِندگی پانے کے لیے بدن حاصل کرنے، تجربہ سے گُزرنے، سِیکھنے اور بڑھنے کا موقع دینے کے مقصد کے لیے تخلیق کی گئی تھی۔^۵ آسمانی باپ جانتا تھا کہ ہم زمین پر دُکھ اُٹھائیں گے اور گُناہ میں مُبتلا ہوں گے، پَس اس نے اپنے بیٹے کو بھیجا، جس کی ”بے مثال زندگی“^۶ اور لامحدود کفارہ کی قربانی^۷ ہمارے لیے معاف کیے جانا، شِفا پانا اور کامل بننا ممکن بناتی ہے۔^۸

اِن سچائیوں کو جاننا زِندگی بدلتا ہے! جب کوئی شخص زِندگی کا جلالی مقصد سِیکھتا ہے، تو سمجھتا ہے کہ مسِیح اُن کی مدد کرتا ہے جو اُس کی تقلید کرتے ہیں، اور پھربپتسما کے پانیوں میں مسِیح کی پیروی کرنے کا فیصلہ کرتے ہیں، زِندگی بہتری کے لیے بدلتی ہے—چاہے بیرونی حالاتِ زِندگی نہ بھی بدلیں۔

زِندہ دِل بہن جس سے میں نائیجیریا کے شہر انیشا میں مِلا، مجھے بتایا کہ جب سے اُس نے انجیل سِیکھی اور بپتسما پایا ہے (اور اب میں اُس کے الفاظ استعمال کرتا ہوں)، ”میرے لیے سب کچھ اچھا ہے۔ مَیں خُوش ہُوں۔ میں آسمان پر ہوں۔“^۹ اِنجِیل کو پھیلانے والے اور قبُول کرنے والے دونوں کی رُوحیں اُمید اور خُوشی سے روشن ہو جاتی ہیں۔ واقعی، ”تُمھاری خُوشی کتنی زیادہ ہو گی“^۱۰ جب تُم اِنجِیل کا اشتراک کرتے ہو۔ اشتراکِ انجِیل خُوشی پر خُوشی ہے، اُمید پر اُمید ہے۔^۱۱

جب ہم نے بپتسما لیا، تو ہم میں سے ہر ایک خُدا کے ساتھ دائمی^۱۲ عہد ”اُس کی خدمت کرنے اور اُس کے احکام ماننے“^۱۳میں داخل ہُوا جس میں ”ہر وقت اور ہر بات میں، اور ہر جگہ [اُس] کے گواہ ٹھہرنا شامل ہے ^۱۴ جب ہم اِس کے عہد کو پوراکرتے ہوئے اُس ”میں قائم“ہوتے ہیں، تو تقویٰ کی، جان ڈالنے، برقرار رکھنے والی، تقدیس کی طاقت مسیح کی طرف سے ہماری زندگیوں میں آتی ہے، بالکل اُسی طرح جیسے ایک شاخ انگور کی بیل سے پرورش پاتی ہے۔۔^۱۵

خُداوند نے حکم دیاہے:

”پس، اپنی روشنی اُونچی رکھنا تاکہ یہ دُنیا پر چمکے۔ دیکھو جو روشنی تُم نے بلند رکھنی ہے وہ میں ہوں—جو تُم نے مجھے کرتے دیکھا ہے۔ …

”… مَیں نے حُکم دیا ہے کہ … تُم میرے پاس آؤ، تاکہ جیسا تُم نے محسُوس کیا اور دیکھا ؛ ویسا ہی تُم دُنیا کے ساتھ کرو ؛ اور جو کوئی بھی اِس حُکم کو توڑتا ہے، خُود کو آزمائش میں ڈالتا ہے۔“^۱۶

اِنجِیلی روشنی کوبلند نہ رکھنے کا فیصلہ ہمیں تارِیکی کی طرف لے جاتا ہے، جہاں ہم آزمائش کے زیرِ اثر آ سکتے ہیں۔ حقیقت میں، یہ کلام سچّا ہے: اِنجِیلی روشنی کو اُونچا رکھنے کا فیصلہ ہمیں بھر پور طور پر اِس نُور میں لاتا اور آزمائش کے خلاف تحفظ فراہم کرتا ہے۔ آج کی دُنیا میں یہ کتنی شاندار برکت ہے!

بہن ٹیفنی مائیلون نے اپنی ذاتی بھاری مُشکلات کے باوجود مُبلغین کی معاونت کرنے کی دعوت کو قبول کیا، بشمول اُس کے عقیدہ سے متعلق سوالات۔ حال ہی میں اُس نے مجھے بتایا کہ مُبلغین کی معاونت کرنے سے اُس کے اِیمان اور احساسِ خُوشی کی تجدید ہوئی ہے۔ اُس کے اَلفاظ میں، ”کارِ تبلیغ بہت شِفا بخش ہے ۔“^۱۷

خُوشی۔ اُمید۔ خُدا کی جانب سے حمایتی قوت۔ آزمائش سے تحفظ۔ شِفا۔ یہ سب—اور اِس سے بھی زیادہ (گُناہوں کی معافی سمیت)^۱۸—آسمان سے ہم پر برستی ہیں جب ہم اشتراکِ انجیل کرتے ہیں۔

بھائیو اور بہنو، ”تُمام … گروہوں [فرقوں ] اور طبقوں میں سے بُہتسے … سچّائی سے اِس لیے دُور رکھے گئے ہیں کیوں کہ وہ جانتے نہیں کہ اُسے کہاں ڈُھونڈا جائے۔“^۱۹ تُمام اِنسانی تاریخ میں اپنی روشنی کو بلند رکھنے کی ضرورت اِس سے بڑھ کبھی نہ تھی۔ اور سچائی کبھی بھی اتنی قابلِ رسائی نہ تھی۔

جمی ٹون، جو بدھ مت میں پروان چڑھا تھا ، کسی ایسے خاندان سے مُتاثر ہُوا جِنھوں نے اپنی زِندگی کے بارے میں یوٹیوب پر تذکرہ کیا۔ جب اُسے عِلم ہُوا کہ وہ کلِیسیائے یِسُوع مسِیح برائے مُقدّسِینِ آخِری ایّام کے رُکن ہیں، تو اُس نے اپنے طور پر آن لائن اِنجِیل کا مُطالعہ کیا، ایپ پر مورمن کی کِتاب پڑھی، اور کالج کے دوران میں مُبلغین سے مل کر بپتسما پایا۔²⁰ بزرگ ٹون اب کُل وقتی مُبلغ ہے۔

وہ اور دُنیا بھر میں اُس کے ہم عصر مُبلغین، خُداوند کی بٹالین —اپنے نبی کا حوالہ دیتے ہوئے۔^۲۱ یہ مُبلغین دُنیا کے رجحان کو رد کرتے ہیں اگرچہ سروے رِپورٹ بتاتی ہے کہ نسل زی خُدا سے دُوری اِختیار کر رہی ہے ،^۲۲ ہمارے نوعُمر جنگجُو^۲۳ بزرگان اور بہنیں لوگوں کو خُدا کی طرف مائل کر رہے ہیں۔ اور اِس کلِیسیا کے اَرکان کی بڑھتی ہُوئی تعداد اشتراکِ اِنجِیل کے لیے مُبلغین کے ساتھ مل کر، زیادہ سے زیادہ احباب کو مسِیح اور اُس کی کلیِسیا میں آنے میں مدد دے رہی ہے۔

لائبیریا میں ہمارے پیارے مُقدّسِینِ آخِری ایّام نے ۱۰ مہینوں کے دوران میں ۵۰۷ دوستوں کو بپتسما کے پانیوں میں داخل ہونے میں مدد کی اُن کے مُلک میں کوئی کُل وقتی مُبلغین خِدمت نہیں کر رہے تھے۔ جب وہاں ہمارے اِنتہائی موّثر صُدوِرِمیخ میں سے ایک نے سُنا کہ کُل وقتی مبلغین واپس آ سکتے ہیں، تو اُس نے کہا: ”بہت خُوب، اب وہ ہمارے کام میں ہماری مدد کر سکتے ہیں۔“

وہ ٹھیک ہے: اجتماعِ اِسرائیل —زمین پرسب بڑا مقصد^۲۴—ہمارا موعودہ فرض ہے۔ اور یہ ہمارا زمانہ ہے! آج میری دعوت نہایت سادہ ہے: اِنجِیل کا اشتراک کریں۔ خود بنیں اور اپنی روشنی اُونچی رکھیں۔ آسمانی مدد کے لیے دُعا کریں اور رُوحانی تحاریک کی تقلید کریں۔ عمومی اور فطری طور پر اپنی زِندگی کے بارے میں بتائیں، اور کسی دُوسرے شخص کو آنے اور دیکھنے، آنے اور مدد کرنے، اور آنے اور شامِل ہونے کی دعوت دیں۔^۲۵ اور پھر شادمان ہوں جب آپ اور جن سے آپ محبت رکھتے ہیں موعودہ برکات پائیں۔

مَیں جانتا ہُوں کہ فروتنوں کو مسِیح میں خُوشی کی بشارت دی جاتی ہے؛ مسِیح میں شِکستہ دِل جوڑے جاتے ہیں؛ مسِیح میں اِسِیروں کو آزادی کا اعلان سُنایا جاتا؛ اور مسِیح میں، صِرف مسِیح میں، جو ماتم کرتے ہیں اُنھیں راکھ کے بدلے شان عطا ہوتی ہے۔^۲۶ پَس اِن باتوں کو سارے لوگوں میں بتانے کی اشد ضرورت ہے!^۲۷

مَیں گواہی دیتا ہُوں کہ یِسُوع مسِیح ہمارے اِیمان کا مُصِنف اور کامِل کرنے والا ہے۔ ^۲۸ اِنجِیل کی روشنی کو اُونچا رکھنے کی ہماری مشق —اگرچہ اُدھوُری ہے—وہ تُمام کرے گا، وہ کامِل کرے گا۔ وہ ہماری زِندگیوں اور اُن سب کی زِندگیوں میں معجزے کرے گا جِنھیں وہ اِکٹھا کرتا ہے، کیونکہ وہ معجزات کا خُدا ہے۔^۲۹ یِسُوع مسِیح کے شاندار نام پر، آمین۔