Jesús Kristur er frelsari minn

Fjarlægið blaðsíðu B5 og límið hana á þykkan pappír. Klippið rifur í tréð á hvítu línunum, og klippið út ávöxtinn. Flettið upp ritningargreininni við hvern ávöxt, finnið blessunina sem faðir okkar á himnum hefur gefið okkur og skrifið á línuna. Stingið flipanum á ávextinum inn í rifinu á trénu.

1. Í fortilverunni völdum við að fylgja Jesú Kristi. Biðjið börnin að nefna eitthvert val þeirra þennan dag (í hvaða föt þau ættu að fara , hvað þau ætluðu að borða, o.s.frv.). Skrifið svörin á töfluna. Útskýrið að himneskur faðir hafi gefið okkur sjálfræði, getuna til að velja sjálf. Segið þeim frá stórþingi himna, þegar faðirinn á himnum kynnti áætlun sína. Útskýrið að sjálfræði okkar sé mikilvægur hluti þeirrar áætlunar. Hjálpið börnun að skilja, að Satan vildi breyta þeirri áætlun og svipta okkur réttinum til að velja. Jesús Kristur vildi fylgja áætlun himnsks föður og bauðst til að verða frelsari okkar. Leggið áherslu á við börnin að þau velji að fylgja Jesú Kristi (sjá Barnafélagið 6, lexíu 2).

   Skrifið spurningar til að hjálpa börnunum að fara yfir það sem þau hafa lært. Setjið spurningarnar í eitthvert ílát. Veljið barn til að draga eina spurningu úr ílátinu og svara henni. Látið barnið síðan velja einhvern til að draga næstu spurningu og svara henni. Haldið áfram eins og tími leyfir. Berið vitni um mikilvægi þess að halda áfram að fylgja Jesú Kristi.

2. Fjölskylda mín og ég munum rísa upp. Fyrirfram skuluð þið með samþykki biskups eða greinarforseta bjóða einhverjum meðlimi sem hefur misst ástvin að bera vitni um hvaða þýðingu upprisan hafi fyrir hann eða hana. Raðið eftirfarandi Trúarmyndum í stafla í eftirtalinni röð og hafið mynd 227 efst: 227 (Jesús biðst fyrir í Getsemane), 228 (Jesús svikinn), 230 (Krossfestingin), 231 (Greftrun Jesú), 233 (María og Drottinn upprisinn), 234 (Jesús sýnir sár sín) og 316 (Jesús kennir í Vesturálfu). Meðan leikið er á píanóið skuluð þið láta lítinn stein ganga á milli barnanna. Segið þeim að hann sé táknrænn fyrir steininn sem lokaði opi grafarinnar og var velt frá. Þegar tónlistin hættir skal barnið sem hefur steininn taka efstu myndina í bunkanum og segja frá henni eða velja einhvern til að hjálpa sér við það. Haldið áfram við hverja mynd, stansið eftir mynd 234 og lesið saman Lúk 24:39. Hjálpið börnun að skilja, að eftir að Jesús var upprisinn gátu postularnir fundið hendur hans rétt eins og börnin getu fundið sínar eigin hendur. Haldið áfram þar til allar myndir hafa verið útskýrðar. Kennið að vegna friðþægingar Jesús Krists muni allir sem lifað hafa á jörðu rísa upp. Biðjið gestinn sem boðið var að bera vitni.