Jakbr 1:5–6

Lestur á þessu versi leiddi til þess að Joseph Smith baðst fyrir í Lundinum helga, og honum birtist Fyrsta sýnin. (sjá Joseph Smith—Saga 1:11–17). Kemur ykkur í hug dæmi úr eigin fjölskyldu eða frá eigin reynslu, þar sem einhver leitaði vitneskju í bæn og fékk svar? Skrifið um það í dagbók ykkar.

„Það eru forréttindi barna Guðs að koma til Guðs og fá opinberun. … Guð fer ekki í manngreinarálit; við njótum öll sömu forréttinda.“

Örlátlega—frjálst, ríkulega, af gnægð.

Átölulaust—án þess að gagnrýna, ávíta, vanda um. Guð mun, með öðrum orðum, svara ykkur og aldrei reiðast ykkur fyrir einlæga bæn til hans um svar við spurningu.

Himneskur faðir heyrir bænir ykkar og svarar þeim. Svörin koma þegar honum þóknast og á ýmsan hátt—til dæmis eftir aðstæðum í lífi ykkar, með greiða eða góðverki annarra, eða með hinni lágværu og hljóðu rödd heilags anda. Hér eru nokkrar leiðir til að búa sig undir að hljóta leiðsögn andans (úr „Revelation,“ True to the Faith [2004], 141–43):

• Biðjið um leiðsögn.

• Verið lotningarfull.

• Verið auðmjúk.

• Haldið boðorðin.

• Meðtakið sakramentið verðug.

• Lesið ritningarnar daglega.

• Gefið ykkur tíma til ígrundunar.

• Þegar þið leitið sérstakrar leiðsagnar, kannið þá málið vel í huga ykkar.

• Leitið þolinmóð vilja Guðs.

„Spámaðurinn [Joseph Smith] sagði, að eftir að hann hafi lesið þetta vers hafi hann vitað með vissu, að hann yrði annaðhvort að láta reyna á Drottin og spyrja hann, eða haldast eilíflega í myrkri. … Hann hafði lesið ritningargreinina, hann skildi hana, hann treysti á Guð, sinn eilífa föður, og nú kraup hann og baðst fyrir, vitandi að Guð myndi upplýsa hann eins og hann svo einlæglega bað um. Spámaðurinn Joseph Smith kenndi okkur reglu trúar—með fordæmi sínu.“