Te Booro Ae te Kanre

Rachel e uti ni baki. Neiei e kibanako man ana kainiwene ao ni biri nakon te kabwate are nnen te baan. Neiei e kauka te mataroa ao e taraa te tiebu mai ieta. Iai te tiaa ni kanre! Inanon te tiaa, a raneanea kanga ai aron te mabora, bon ana kanre neiei ae tatangiri. A bon rangi ni katitika mata uraurana n aoranti boorona ma kangkangin tiaokuretin nanona.

Rachel e taratara nako bwa e na kakoaua Mummy ke Daddy bwa a matakuakinna. Neiei e ongo bwanaaia, ma e aki nori rabwataia. E karaurau ni butua te kaintekateka nakon te banturii ao e toka iaona. Ngkanne ea anaa te tiaa ni kabwaraa matana. Neiei e abuta te kanre ni kaonrakea baina, ao ea manga kaina matan te tiaa, ao ea birinako n ruorikaaki n te katangaina nakon ana ruu ni matu. Ma ngke ea tabe nikaan bwanaaia ana karo, neiei ea karaba n te roki ao e kaina te mataroa.

Ngkanne Rachel ngke e taraa te kanre ma te bora ni baki, ea manga bon titiraki, “I kona ni kakiba n te eea ao I raweia ni wiiu? Ao n aki taninga te teekan are imwina ao ea kakiba ni karietaa n te eea. E kiba riaon atuun neiei, ao ea bwaka nakon wiina are e kabanea urena ao ni bwakara buana. Neiei ea aki kona ni ikeike.

Neiei e kataia n takarua ma e bon aki kona ni karongoaa. “Daddy buokai!” E tang inanona. “Tamau are i Karawa, taiaoka ni buokai!” e tataro. A bwaro ran ni mata nako aon tabana inanon ana tai n inimaki nikarekea ikena are e aki kona n reke. Neieie e a namakina te aoraki ao te taanoi.

N te tai ae karina ao ea rinnako tamana inanon ana ruu. Teuaei e tabeka Rachel ao n taua mai akuuna ni koonna ni kamatoaa. Plop! E rebenako te kanre nako nanon te beetin n uaati. Rachel e ikerake ni karina te ang. Daddy e karuoa ao e taua ni kamatoaa. “E raoiroi Rache,” e taetae ni kabebetea bwanana. “Koa marurung ngkai”

“Ko rabwa, tamau,” e taku neiei. “Kabwaraa au bure bwa I anaa te kanre n akea te bubuti. I tangiriko.”

Mummy e rinnako n te roki “Tera ae riki?” e titiraki.

“I ongo te bwanaa,” e taku tamau. “E taku, natim te aine e reke n te kanganga! Kawaekoako nakoina. I kunea Rachel n te roki, ma I aki ataia bwa tera ae riki. Te bwana e tuangai, Tabekia, ao ngke I karaoia ao ea bwaka te kanre mai wiina.”

Tinau e rabwata Rachel.

Rachel e mwaiti ana iango n te bong arei. Neiei e iangoa te kanre ao taetaekinan te koaua. Neiei e iangoa tamaroan te ikeike are ikeikenna. Neiei e iangoa ana tangira nakon Tamana are i Karawa Mummy ao Daddy. Ma n ana iango ni kabane e iangoa te Tamnei ae Raoiroi. Daddy e tukia bwa ena bonotaki ikena ibukina bwa ea tia ni kakauongo .Neiei e tangiria n riki bwa Daddy ao ni kakauongo nakon te Tamnei ae Raoiroi.