“Ao N Na Bon Reke Iroumi”

Ni kainan ara reirei n Taabati, Sister Hart e titirakinira bwa tina raira Ieremia 29. E taku bwa e na wareki kibu aika 12–14 n takarua, ao e titirakinira bwa tina iangoi nanon taian taeka.

“Ao kam na maneweai,” e taku, “ao kam na nako n tataro nako Iu, ao N na ongo iroumi.

“Ao ane kam na ukoukorai, ao N na bon reke iroumi, ngkana kam bon ukoukorai n nanomi ni kabane.

“Ao N Na Bon Reke Iroumi, e taku te Uea …”

Titita Hart e waki nako, ni kabanea te kibu 14, ma te kukurei ae reke imwin au iango, kakororaoan te berita “Ao N na bon reke iroumi.” E kauringai taai ike ngai ma kainabau, Emma,ngke ti takakarona te ikaraba ma natira. Ngkana e a roko ara tai ni karabaira ao natira aia tai ni kakaira, ti aki toki ni karaoa ae tina kai kuneaki irouia. N tabetai ao ti kakarongoa ke ni kaota waera ike ana kai norira n te tai ae waekoa. N tabetai ao ti a okiokira te tabo teuana ni kakarabaira iai. Ti tangiria natira bwa ana ukoukorira, ma ti bon tangiria naba bwa ana kuneira. Ti nang kantaningaa aia inga ma kukureia, ao ngarengareia n tokanikai.

Te ururing aei e kakorakora otau ibukin ana tangira Tamau are i Karawa nakoira. E tangirira bwa tina ukoukoria, ma e bon tangira naba bwa tina kunea—E ataia ae ti nang kukurei ngkana ti karaoia. E aki kan kataira. Man itera teuana, e bon kataira ni kabane. E kona ni buokira n ataia bwa ia ao ni kanga ni kakae: E anganira koroboki aika tabu, weteakia burabeti, ongorana nakon ara tataro, e kainira ni mwaakan te Tamnei ae Raoiroi, e kakabwaiaira ma taian tembora ao nakoanibonga ke otenanti ma te utu ma raraora. Ao ngkana ti a tia ni kunea n te tabo teuana n teuana te tai, tina bon kakoaua raoi bwa ti kunea n te tabo anne ngkana ti a tauraoi ni manga kaboua ara kakaea.

“Ao N na bon reke iroumi, e taku te Uea.” Ai tera te berita ae kororaoi! N te aonnaba ike te kanganga ao te kaririaki a nang bebete ni kuneira, atakin raoi oin korakorara e nang bebete ni kuneaki.