Nna kanga n tuanga raraou bwa ana katangitang e aki nang tamaroa ma e na aki bua ana iraorao? E aki toki n tuangai bwa ngaia raraou, ao n aki manga ngurengure iai. Tera ae nna riai ni karaoia?
Te katangitang ma raraom aika otabwaniniko boni ngaia kairaan maium. Beretitenti Gordon B. Hinckley (1910–2008) e taku: “Rineia raraom ma te karaurau. Boni ngaia aika ana kairiko nakon te kawai ae ti teuana ke are teuana.”1
Maroroakin katangitang ake ko ongora iai ngkoe ma raraom ao bwa e na riki bwa te bwai ae tamaroa nakoimi. Karineakin kabwarabwaran am namakin ibukin raoiroin te ongora ao ana urubwai naba. Tibwauaia ma neienne bwa ana rinerine ibukin te katangitang e totokoiko man te kakukurei n am tai ni bobotaki ni bwanin.
Ngkana e reitinako n ongora nakon katangitang aika a kamatauninga te Tamnei, iangoa bitakin raraom. Rao a bon rangi ni kakawaki, ma ena aki uruana maiun tamneim.