Tauan tiabora ao wibwara ao kaotan te mata ae moangare ao kunikaia n aika babobo, e raka iaon 30 aba iaon Africa ike membwa n te Ekaretia a ira ibuakon karaoan te kateniua ni mwakuri ae ababaki karaoana i Aberika n Aokati 22, 2009.

N te kawa teuana i Ivory Coast, a karaoi kawai. N te kawa i Liberia, a karaoi mweenga aika a maan man mka. Iaon Sierra Leone, a kaitiaki kawain raan. Iaon Nigeria, a kamwaing taian kaai ake aki bongana man ana kateitei autin te tautaeka. Iaon Ghana, a kaitiaki makete ao mange ao ni kanakoi nakon tabo ni mange. Ioan Kenya, i South Africa, Cameroon, ao riaona riki, membwa n te Ekaretia a kaitiaki on karabuti ao kainnakotari, a uniki aroka, a karaoi kawai ao a ibuobuoki n aia tabo ataei ake akea aia karo. A kaitiaki on aoraki ao mweenga; a kouti uteuten ao a benii taian kanikina.

Unimwaane Eric Jackson, te tarekita ibukin tararuan maurin te botanaomata ibukin Africa Southeast Area, e taku, “Te bwai ae a kakoaua membwa i bon irouia bwa ngkana a roko aomata, ao bon akea te mwakuri ae bubura karaoana iroura.”

Ike a mwakuri iai membwa, taan kareke rongorongo a botaki ni matakuakiniia ao ni karekei aia rongorongo.

Iai tabeman aika tiaki membwa n te Ekaretia ake a ibuobuoki naba ni karaoan te mwakuri. Te Ekaretia e reitaki ma kurubu ni mwakuri n aia tabo, botaki n aro ake tabeua, ao ana rabwata nako te Taukaeka ake a anga aia bwai ni mwakuri n aki kaboaki ao bwai nako ao man reitaki ni buoka naba te waaki.

“A mwaiti, man ongoia are ti karaoa [te mwakuri] ibukina bwa ti ira ana mwakuri Kristo ae raoiroi, e neboaki te Uea ao n taku bwa a kan reitaki ma ngaira,” e taku Unimwaane Adesina Olukanni, Te Itingaun n Aono ao te tarekita ibukin Tararuan Maeuraoia Aomata i Aberika Maeao.

Inanon Turai 2009 e raka iaon 160 kairake ao kairake ake a ikawai ake a botaki ibukin te bong ni iraorao imarenaia, maroro ni kataneiai, te taenti, ao te kaoti koaua n aia moan maungatabu kairake are e karaoaki i Ethiopia.

Bukina bwa a tuai kateaki aua mwaanga nakon te aono, a mwaiti membwa ake aki ataia bwa iai taian mwaanga ao membwa n te Ekaretia i Ethiopia. Oin raoi te bwabwaro anne bwa e na anganiia aia tai n reitaki ma raoraoia nako ngkai a tabekirake n te maiu n tamnei.

Wondwossen Amanuel, 23, e kaoka ana beeba ni mitinare bwa e na riki bwa te moan mitinare man te Awasa Branch, e taku, “E anganiko te kaungaaki n nano ngkana kam botaki ni kabane ao ni karaoi botaki ni kakukurei. E uarereke ara mwaanga, ma ikekei ao ti manakina bwa ti mena n te koraki ae mwaiti—ao ti tebo ma te utu.”

Naake a ira te kataneia a a kamoamoa irouia ni bwaina te mwamwa ae te CTR rings ao aia karinano ae korotamneiaki n te taeaka ae “Nene ao Koaua raoi,” ana boto ni iango te maungatabu.

Uoua te namwakaina ni korakoran aia kamataku mitinare, beretitenti n te mwaanga ao te botaki n nanoanga ae te Hope Arising, a botiia ni kabane moan baeoniia irouia Aomata aika Itiaki man auua mwaanga aika kakaokoro n nakon kateitei n te umwantabu i Addis Ababa, Ethiopia.

Taan iria a mwananga n te bwati inanon nimaua te aoa ni kaea te maungatabu aei, ao e raka iaon iteran te mwaiti aei bon tiaki kain te Ekaretia ao naake a ukoukora te Ekaretia. Uoman ake a bwabetioaki ni wiiki akanne.

“Ngke [Kairake] ataia ae iai tabeman aomata aika iai te kantaninga, taian mii, taian kangaanga ao tabeaianga, e a korakora irouia te nanomatoa. A ataia bwa aki tiku n ti ngaia, ao aei are e angania te kakorakoraki,” e taku Unimwaane Brad Wilkes, te mitinare ae bwanin ana tai are, ngaia ma buna, Titita Karen Wilkes, are a buoka barongaan te maungatabu.

Niman kairake n ataeinaine ao taan kairiri man te Bucharest Romania District, ni ikotaki ma raoia aika ti aki kain te aro, a karaoi tibwangaia n aia moan kaem kairake n ataeinaine n te Ekaretia i Romania man Aokati 24 nakon 26, 2009. Te beretitenti n aia botaki Kairake n Ataeinaine n te Aono beretitenti Dina Cojocaru e kaira te kaembwa ma aia ibuobuoki mitinati aika a maan Unimwaane Don ao Titita Edie Van Noy.

Ataeinaine ao taan kairiri aia tataro n te ingabong ao te tairiki, a kamatebwaia booki aika a tabu ngaia ni kabane ni katoa bong. Unimwaane ao Titita Van Noy a kaira te reirei ni maroro iaon atun iango n aron maiuakinan te itiaki ao ko na kanga n anga taetae aika bongana n te Ekaretia. Te bowi ni maroro naba teuana, ataeinaine a reiakinna aron te maiu ni itiaki ao aron kunikaia ngkai a tabe ni kawakina te kokoaua.

Alina Mateescu, temanna mai irouia kairake n ataeinaine, e taku bwa tera ae na reke ni maeuakinan te anua ni maiu ae itiaki, ma man te bowi ni maroro iaon te anua ni maiu ae itiaki, e a tia n namakina ma te koaua bwa e na riki ngaia bwa te banna ni katoto n te etieti n aron are e tangiria te Atua nako iai.

Romania, te aba i southeast Europe, iai 2,736 membwa n te Ekaretia ni manga aika 17.