Kairake ana Bukamarua Te Ririki ae Boou

Unite n te Ekaretia ae tabangaki a karekea te DVD ae atunaki Te Ririki ae Boou: 2010 Aia Bukamararu Kairake. Te DVD e kabwarabwara ana boto ni iango n te Iwawaki 2010 ao e kona naba ni kamanenaki bwa bwaain kirati irouia kairake, bowin koroom nako, Iwawaki, ana maroro te bitiobi nakoia kairake, ao kakukurei riki tabeua inanon te ririki..

Ana boto ni iango n te Iwawaki ibukin 2010 “Kakorakorako ao kaungaa nanom; tai maku, ke tai barannano: bwa te uea ae Atuam e raoniko n te tabo ae ko nako iai” (Iotua 1:9; e kaoti bonganana). Moan iteran Bukamaruan Te Ririki ae Boou: 2010 Aia Bukamaru Kairake a kaota te rongorongo ae oneti mairoun Unimwaane M. Russell Ballard, te membwa man aia Koroom Abotoro ake Te Tengaun ma uoman, ao te anene mai irouia kairake ni kabuta te aonnaba.

N te DVD iai kanaoana naba ruaia riki mwakoro, ake a raonaki ma rongorongo aika kaoa te tamnei n aron tein karaki, taian koaua ao taian kanoa mai irouia Kairaken n Ataeinimwaane ao Kairake n Ataeinaine man te Beretitentii n Kabuta. Mwakoro aikai a kaineti iaon ana Tuua te Ekaretia man Kakorakoraia te Rorornrikirake, ni ikotaki ma te reirei, utu ao raao, anene ao mwaie, te maroro ao te anua maiu ni itiaki, te marurung, te beku, ao te raira n nano.

Kairake ni kabuta te aonnaba a tibwaua aia iango ao aia koaua rinaon taian DVD.

“Ti ingainga irouia ana kairake te Ekaretia n norakikia i bon irouia iaon te DVD aei ao ni kakorakoraki irouia n tatatbemania n aia koaua,” e taku Elaine S. Dalton, te Beretitenti ni Kabita irouia Kairake n Ataeinaine. “Te koraki ake a mataku a kona n nora te kaungaaki irouia kairake ake a rineia bwa ana maiuakina Tuan nako [te Ekaretia] ao ni karoa te bitaki n te aonnaba. Ara kantaningaia bwa botaki n te nakoanibonga ao mataniwi ni botaki nako ao taan reirei ana kamanena DVD n aia kirati n reiakin tuua ao taian kakukurei ni buokia kairake ni maiuakina ao irii tuua aikai inanon maiuia.”

Mataniwin n te Ekaretia a kaungaia mataniwin n te Nakoanibonga n aia tabo nako ao mataniwi ni Botaki bwa ana rinanon te DVD ao ni kamanena n aia bowi nako ao aia botaki ni kakukurei. Moan mwakoron te DVD e kona ni kamanenaaki n ana botaki ni kakukurei te Ririki ae boou ke ke tabeua botaki aika onoti ake iai boto ni iango iai. Ni kiran mwakoro a karaoaki bwa ana kona ni kamanenaaki rinanon te ririki ni karababa iaon te boto ni iango.

Taian mwakoro a boretiaki ma atuna n taetae ni Cantonese, English, French, German, Italian, Japanese, Korean, Mandarin, Portuguese, Russian, and Spanish. Bwaai nako inanon n te DVD a bane n tauraoi n anaaki man Intanete.