Katikua te Tai ae nako inanon te Tai ae nako

Ngke 16 au ririki, I aki nakoraoi ma tariu ae bwebweu. Tia bon unun naba ibukin bwaai ni kabane. N te taina e kabwainrangai n te reirei ma arona ae rangi ni moakakung nakoiu i mataia raoraora. Arona ma ana taeka ake e taekin ake I rangin maraki iai e tiku irou mwiina ae korakora n te aro are I aki kona moana n au tai n rikirake. E ngae ngke e a kataetaeaki irouia ara karo ibukin te bwai are e riki, e aki roko n te kabwara ana bure nakoiu. Inanon ririki aika a mwaiti e tiku irou te maraki arei.

E bon tiku iaon ana mwakuri ni mitinare ngke e roko weteakiu ibukin naba au mwakuri ni mitinare. I katauraoai n rin n te tembora ao I kataia n tiroa maiu ni kakaea te bwai ae I riai ni bitaki iai bwa I aonga n tauraoi n rin te tembora. I ataia bwa Tao e ngae ngke I aki bwati n iangoa te bwai ae karaoia tariu, I bon kainanoaki bwa n na kabwara ana bure.

Tariu e a tia ni kammarakai riki nakoia tabeman, I ataia bwa e na rangin aki bebetekabwaraan ana bure. Ngaia are I a tataro bwa I tangira buokau mairoun Tamau are I Karawa.

Man Ana ibuobuoki, I baireia bwa n na moana au kokororeta nakoina n ana tai ni mitinare. Imwain anne, I nanokawaki ni kaotia bwa I bon aki, kororeta nakoina. Imwin anne I a manga kanakoa ana batia. Ngke n nang mwananga ibukin au mitinare, e roko ma au karo n te tabo ni kataneiai ibukiia mitinare ao e i rabwati ma ngai. E bon kororeta nakoiu n tabetai. I ataia bwa e ngae ngke iai te waeremwe , ma n ana buoka Tamau are I Karawa, ti riai ni katikui kanoan taai aika a tia n nako ibon rouna.