Raraou ae tiaki kain te aro a titiraki bwa e aera ti karaoa te bwabetito ibukiia mate. A taku n aia iango bwa e kaminonano. Nna kanga ni kaekaia?

E“Bwa ngkana e aki bungiaki te aomata n te ran ma te tamnei, ao e aki kona n rin n Uean te Atua” (Ioane3:5). Aio nanona bwa imwain karekean te maiu ae akea tokina—bukin maiura aio—te aomata e riai ni bwabetitoaki ao ni karekea te Tamnei ae Raoiroi.

E ngae ngke e kakawaki te bwabetito, iai bukina ae a mwaiti natin te Atua ae a tuai mani bwabetitoaki. Tabeman a maiu ma aki ata te euangkerio, ao tabeman a bwabetitoaki n akea te mwaaka ae riai ni kainnanoaki.

Bukina bwa Tamara are i Karawa e rangi n nananoanga man momotiraoi, E aki katuaia natina ake aki reke aia tai ni bwabetitoaki inanon aia tai ni maiu. Te kawai are e na reke aia tai aomata ake a tia ni mate bwa ena reke irouia te maiu ae akea tokina, te bwabetiito ibukiia mate e karaoaki ibukiia irouia kaain te Ekaretia aika a kororaoi n te tembora (tara  I-Korinto 15:29; D&C 124:29–36; 128:18).

Ngkoe are koa tia ni mate are ko mena n te aba n tamnei, rineia bwa kona butimwaea ke ni totokoa te euangkerio ao te otenanti are e karaoaki ibukiia (tara D&C 138:58–59).

Man karaoan te bwabetito ibukiia maate, koa angan riki natin Tamam are i Karawa aia tai ni butimwai kakabwaia ake mai Irouna.