Te Bootaki n Utu n te Tairiki Ae Uringaki

Teuana ara bootaki n utu n ririki aika nako e moanaki ma ara anene ae, “Kaotin te ingabong ae boou, auti kain aonaaba” (“Kaotin te Ingabong ae Boou,“ Hymns, namba. 52). Ngke ti titirakinia natira aika niman n tatabemaniia ni katautaua te mwakuri are ti na kona n karaoia n te wiki, Fernando ae te nimaua n ririki e taku, “I tangiria ni kan noora are n aekan te moan ingabong ngkana e kaoti ao te aonnaba ngkana e a uti.” Ti kataia man kataia ni kabwarabwara nakoina bwaai ni kabane ake a riki: bwa e kanga taai n oti, angin te ang ae karekare ni mwaitoro n te moaningabong, ma aoin aontano iaon te aba. Ma akea te bwai teuana ae kakoaua. “I tangiria n kan noria,” e manga taekinna riki.

Ngaia ae n te Kaabong anne n te awa 4:00 n te moaningabong, ti bane n uti, ti bane n ibetutu inanon ara kaa, ao ni buti nakon te tabo ae itiaki taraakina n iteran karawa are mainiku Otintaai n te bong anne e tara n ae roko mai karawa. Te kara ae babobo n tobibi e bitaki nakon te kara ae bingke ngke tabe n oti te ota man taai. E bon rangin tikiraoi.

Tenibwi te ririki imwina, natin Fernando te mwane ae uarereke Fernandito e kawarira. “Ko ataia tibu te aine bwa tera?” e taku. “Papa e uotiira bwa ti na noora otin taai.”