Tohi ki he ʻĒtitá
Ako, Fakalaulauloto, pea Fakaʻaongaʻi
ʻOku fakamālohia ʻe he Liahoná hoku laumālié pea mo ʻeku fakamoʻoni ki he ngaahi moʻoni ʻo e ongoongoleleí. ʻOku fakatautefito ʻene maluʻi au mei he ngaahi tauhele ʻa Sētané ʻaki ʻene tokoni mai ke u tafoki ki he ngaahi meʻa ko ia ʻoku mahuʻinga moʻoní. Hangē ʻoku ʻi ai ha pōpoaki ia ʻoku tohi makehe pē maʻaku he māhina hono kotoa. ʻOku ou ʻilo ko e finangalo ia ʻo e Tamaí ke tau ako pea fakalaulauloto ki he ngaahi pōpoakí ʻi he māhina takitaha pea fakaʻaongaʻi fakaʻaho kinautolu ʻi heʻetau moʻuí.
Pāmela ʻAnanitā Pāposa ta Siliva, Palāsila
Ko ha Hala ʻo e Maama
Ko ha koloa mahuʻinga lahi e folofolá. Ka ʻoku ou toe lau pē mo e Liahoná ko e koloa. ʻOku ulo mei hono ngaahi pēsí ha maama ulo lahi. ʻOkú ne ʻomi ha ngaahi faingamālie kiate kitautolu ke fakatonutonu ʻetau ngaahi fehalākí pea fakahaohaoaʻi kitautolu ʻo fakafou ʻi he pōpoaki ʻi aí, ʻo hangē pē ko e folofolá. ʻOku ʻi ai ha akonaki mahuʻinga ʻi he peesi takitaha, ʻoku ʻi ai ha faingamālie, ʻoku ʻi ai ha hala ʻo e māmá.
Manuela ti ʻAlauho Fenanitesi, Mōsemipiiki