Guxo të Jesh i Mirësjellshëm!

Një djalë në klasën time në shkollë ka vështirësi për të mësuar. Unë e mbroj atë kur njerëzit e tallin dhe e ndihmoj në klasë kur ka nevojë. Mësuesi im tha se ky është i vetmi vit shkollor kur ai ndihet pjesë e klasës së vet.

Kur daja i mësueses sime vdiq, ajo ishte shumë e trishtuar. Ajo nuk di gjë për Kishën, kështu që i thashë se Ati Qiellor e do atë. I bëra asaj një kartolinë dhe i thashë se ajo do ta shohë dajën e saj përsëri. Ia dhashë asaj arushin tim të vogël e të veçantë prej pellushi për ta ndihmuar përmes çasteve të trishtuara.

Fqinja ime, Olivia, ka vështirësi për të ecur, për të folur dhe për të dëgjuar. Mami i saj thotë se Olivia është me fat që ka një shoqe si unë. Unë jam me fat gjithashtu!

Më pëlqen të këndoj këngë nga Children’s Songbook [Libri i Këngëve të Fëmijëve]. Familja ime thotë se kjo i ndihmon ta ndiejnë Frymën e Shenjtë. Fryma e Shenjtë më jep një ndjenjë të ngrohtë përbrenda.