Mga Istorya sa Kasulatan
Si Moises Misunod sa Dios
Gikan sa Exodo 2–34.
Usa ka adlaw ang usa ka prinsesa sa Ehipto nakakita sa usa ka masuso nga Hebreohanon diha sulod sa basket. Ginganlan niya og Moises ug mipadako kaniya aron mahimong usa ka prinsipe.
Sa dihang midako na si Moises, wala siya makagusto sa tinagdan sa mga Ehiptohanon ngadto sa mga Hebreohanon, nga ilang mga ulipon. Sa dihang si Moises nanalipod kanila, ang hari sa Ehipto gusto nga mopatay kaniya. Kinahanglang magpalayo si Moises. Dayon gisultihan siya sa Dios nga mobalik ug luwason ang katawhan nga Hebreohanon.
Gihangyo ni Moises si Paraon, ang hari, sa pagtugot sa Hebreohanon sa paglakaw. Miingon si Paraon nga dili. Mitabang ang Dios ni Moises sa pagtunglo sa yuta aron mausab ang hunahuna ni Paraon. Mga langaw, kuto, ug dayon mga baki midagsang sa yuta. Sa katapusan si Paraon miingon nga ang mga ulipon makalakaw.
Sa ilang pagbiya, nausab ang hunahuna ni Paraon ug gipadala ang iyang kasundalohan sa paggukod kanila. Sa dihang miabut ang katawhan ni Moises sa Pulang Dagat, gihimo sa Dios ang uga nga dalan agi sa dagat aron sila makaikyas.
Ang Dios mihatag sa Napulo ka mga Sugo. Gitudlo kini ni Moises ngadto sa katawhan samtang nagpanaw sila padulong sa gisaad nga yuta. Sa katapusan luwas na sila ug gawasnon!
Ako mahimong sama ni Moises. Ako makasunod sa mga sugo. Motabang ang Dios kanako kon ako mobarug alang niadtong nagkinahanglan og tabang.