Unsa ang gasa sa pag-ila?

Ang mga kasulatan naghisgot mahitungod sa “pag-ila sa mga espiritu” isip gasa sa Espiritu (1 Mga Taga-Corinto 12:10; D&P 46:23). Nagpasabut kini “aron makasabut o masayud sa usa ka butang pinaagi sa gahum sa Espiritu. … Kini naglakip sa pagsabut sa tinuod nga kinaiya sa mga katawhan ug ang tinubdan ug kahulugan sa mga espirituhanon nga mga pasundayag” (Giya ngadto sa mga Kasulatan, “Pag-ila, Gasa sa,” scriptures.lds.org).

Si Elder David A. Bednar sa Korum sa Napulog Duha ka mga Apostoles mitudlo nga ang gasa sa pag-ila makatabang nato nga (1) “makamatikod sa nagtagong mga sayop ug kadautan diha sa uban,” (2) “mailhan ang nagtagong mga sayop ug kadautan sa atong kaugalingon,” (3) “makakita ug makapagawas sa maayo nga mahimong natago diha sa uban ug (4) “makakita ug makapagawas sa maayo nga mahimong natago diri kanato” (“Dali nga Makaobserbar,” Liahona, Dis. 2006, 19).