!Halo i Kam long Filipin!
Mi mi Paolo. Mo mi mi Margo. Long yia ia, mifala i stap travel i go raon long wol blong lanem abaot ol pikinini blong God. !Joenem mifala taem mifala i stap visitim Filipin!
Samples wan handred milian pipol oli stap laef long Filipin, !wetem plante kaen animol tu!
Oli stap toktok eit stamba lanwis long Filipin. Buk blong Momon, oli printim long wan lanwis we oli singaotem Sebuano.
?Olsem wanem nao yu go long jos? !Sam Filipino famli oli ron long ol jipni blong go raon long ol ples!
Hemia i wan JR ring long wan lanwis long Filipino we oli singaotem Tagalog. Oli talem “jusum raet” olsem ia nao: piliin ang tama.
Hemia sam tempol long Sebu Siti mo Manila. Mo, ?yu save wanem? !Oli stap bildim wan nambatu tempol long Manila! Mo bae oli bildim ol tempol long tu moa siti, long Urdaneta mo long Cagayan de Oro.
Ol Filipino pikinini oli stap plei long wan gem we oli singaotem luksong tinik, o “stam jiam ova long ropnil.” Wan o tu pikinini oli sidaon long floa, mo oli hivimap ol leg mo han antap long olgeta. Afta, ol nara pikinini oli traem blong jiam ova long olgeta be oli no mas tajem olgeta.
!Mitim sam fren blong mifala blong Filipin!
“Oltaem, mi lukluk i go fored blong gat naet famli skripja riding blong mifala. Mi filim gud evri taem we mi ridim ol skripja.”Lanneah D. 10 yia, Sentrol Luson, Filipin
“Fas taem we mi stat blong lan blong rid, mi filim nogud from se mi no save rid kwik. Papa mo mama blong mi, wetem sista blong mi, oli helpem mi, mo naoia mi laekem tumas blong stap ridim ol skripja.”Acumen D., 7 yia, Sentrol Luson, Filipin
?Yu yu blong Filipin? !Raet i kam long mifala! !Bae mifala i laekem tumas blong harem yufala!
!Tangkyu blong wokbaot long Filipin wetem mifala! !Lukim yu nekis taem!