Stret Tresa blong Serem
“Tumoro i spesel tumas,” tija blong Diego i talem. “!Bae yumi gat Soem mo Talem!”
Diego i smael. !Hem i laekem tumas Soem mo Talem! Hem i no save wet blong soem wan samting spesel long ol fren blong hem.
Afta skul, Diego i talem ol gudfala nius ia long Mama.
Hem i askem: “?Bae mi tekem wanem i go?”
Mama i talem: “Wan samting we i spesel long yu.”
“!Mi save tekem Lobo i go!”
“Mi no ting se yumi save tekem wan dog i go long skul,” Mama i talem. “Be i gat ol nara tresa (samting we wan i laekem tumas) we yu save serem.”
!Naoia Diego i statem resis from tresa blong hem! Hem i faenem wan manggi. ?Bae i tekem i go? Be Diego i gohed blong lukaotem.
Hem i lukluk i go biaen ol jea blong kijin. Hem i lukluk i go long sef blong buk. Hem i no wantem stop lukaotem kasem taem hem i faenem wan samting we i raet.
Afta, hem i lukluk i go long saed blong bed blong hem. !Hem i faenem stret samting!
Diego i ron i go soem Mama. Hem i holem tresa blong hem i taet long jes blong hem.
Hem i talem: !Mama! “!Luk! Mi faenem bes samting.”
Hem i holem wan smol pikja blong Mama i lukluk. Hem i pikja blong Jisas taem hem i wan smol boe. Diego i filim gud taem hem i lukluk i go long pikja. Hem i bin wantem ol fren blong hem long skul blong oli harem gud tu.
Mama i talem: “Hemia i wan spesel samting blong Soem mo Talem. ?Bae yu talem wanem long klas blong yu abaot Jisas?
“Se evriwan i save hapi,” hem i talem. “!From se Jisas i lavem evriwan!’”