Ol Aposol Raon long Wol
Presiden Ballard I Visitim Teksas, YSA
Ol Aposol oli stap travel raon long wol blong givhan long ol pipol mo tijim olgeta abaot Jisas Kraes.
Taem bigfala hariken, we nem blong hem, Hariken Harvey i kilim Yuston, Teksas, YSA, plante hom blong ol pipol oli bin fulap long wota mo oli brokbrok. !Presiden M. Russell Ballard i flae i go longwe blong help!
Taem plen blong hem i lan, hem i go stret long operesen senta, long ples we Jos i stap karem ol saplae i kam, mo i stap sendemaot ol Momon Han blong Help volontia.
Afta, hem i go visitim ol ples we plante haos, wota i fulumap olgeta. Sam long ol rod oli fas, mekem se hem i wokbaot nomo i go long wan haos i go long nara haos. Hem i lisin long ol pipol, mo i serem lav blong Papa long Heven long olgeta.
Hem i mitim ol misinari mo ol nara memba blong Jos we oli bin stap help.
Hem i toktok long wan divosen mo trifala sakramen miting blong mekem se hem i save serem lav blong Papa long Heven wetem fulap pipol.
Taem hem i bin mitim wan olfala man we haos blong hem i brokbrok, Presiden Ballard i talem:
“Mi, mi wan Aposol blong Jos blong Jisas Kraes blong Ol Lata-dei Sent. … Mifala i wantem yu yu save se mifala i lavem yu. Mo mifala i stap long ples ia from se Jisas Kraes i wantem mifala blong stap long ples ia.