Yut
?Bae i olsem wanem sapos mi aot? Fas taem we mi muv i kam, i gat tufala nara yang woman nomo long branj blong mi. Mifala i kam fren mo mi kam blong savegud tufala. Be tufala i stop blong kam long jos.
Wan taem, taem mi go long tempol, mi luk misin presiden. Mi tokbaot tufala fren blong mi, mo askem wanem mi save mekem blong helpem tufala blong kambak long Jos. Hem i talem long mi blong stap weples mi stap long hem, blong stap strong, mo prea from tufala.
I no longtaem afta, mi luk wan long tufala gel, mekem se mi hapi tumas blong luk hem. Taem mi gobak hom long naet ia, mi prea strong mo mi filim strong se bae mi mas stap long weaples mi stap long hem mo gohed blong go long Jos, gohed blong go long Seminari, mo gohed blong stap wan eksampol long ol fren blong mi. ?Bae i olsem wanem sapos mi bin aot mo neva kambak, mo afta, wan long ol fren blong mi i kambak long Jos. ?Hu nao bae i fren blong tufala mo helpem tufala blong kambak?
Ol samting oli go isi taem yumi mekem tugeta.
Alyona, Kharkiv Oblast, Yukren