Kapin sa Usa ka Paagi sa Pagtuon sa Kasulatan

Ni Marissa Widdison

Mga Magasin sa Simbahan

Bisan kon dili kamo ganahan sa pagbasa, adunay daghang mga paagi sa pagtuon sa kasulatan.

Ganahan ko sa akong bag-ong calling isip pianista sa Primary. Pipila ka semana ang milabay ang mga bata nagbansay og usa ka kanta. Mibati ko sa Espiritu samtang nagkanta sila:

Pagsiksik, pamalandong, ug pag-ampo
Mao ang mga butang nga kinahanglan nakong buhaton. 
Ang Espiritu mogiya, ug, sa kahiladman,
Nasayud ako nga ang mga kasulatan tinuod.1

Apan usa ka pangutana usab ang misantop sa akong hunahuna. Unsa kaha kon dili kamo—sama sa gisugyot sa unang bersikulo sa kanta—“nahigugma ko’s kasulatan”? Tingali ang hilisgutan sa pagbasa naa sa akong hunahuna bag-ohay lang tungod kay sobra sa usa ka higala misulti nga maglisud sila tungod sa kakulangan sa pagbasa. Ug daghan nga mga tawo nga akong nailhan nga dili lang gayud malingaw sa pagbasa! Aduna bay paagi nga sila makabaton gihapon og usa ka makahuluganon nga kasinatian sa mga kasulatan ug makapalambo og “pagpamatuod nga kini tinuod”?

Ang mga tawo ingon og makakat-on sa labing maayo kon ang impormasyon mapresentar sa daghang nagkalain-laing paagi, sama sa paagi nga biswal ug berbal, ug ang mga leksyon balik-balikon sa paglabay sa panahon. Sa paghunahuna niana, naningkamot ko sa paghunahuna og daghan nga nagkalain-laing mga paagi sa pagtuon sa mga kasulatan kutob sa akong mahimo. Karon, tugtan nga, dili tanan diha niining lista maisip nga mahunahunaon ug lawom nga pagtuon sa kasulatan nga gitudlo sa mga propeta nga importante sa atong mga pagpamatuod—ang pipila niini mga dali lang, makalingaw nga mga ideya—apan akong hunahuna nga tingalii maayo nalang kini aron makaaghat og pipila ka bag-ong mga ideya nga imong kaugalingon. Atong hatagan ang pagtuon sa ebanghelyo sa atong labing maayong paningkamot, sama sa giingon sa kanta nga, “atong masabtan ra”!

Mga Ideya alang sa Pagtuon sa mga Kasulatan

Itumbok ang mga pulong nga gibalik-balik diha sa imong patriyarkal nga panalangin ug pangitaa kadtong sama nga mga pulong diha sa mga kasulatan.
Samtang magtuon kamo, pagdrowing og mga hulagway mahitungod sa imong mga hunahuna diha sa study journal o diha sa mga margin sa imong Dali, Sunod Kanako nga manwal.
Paghimo og gamay nga modelo sa usa ka istorya sa kasulatan.
Tawagi ang paryente sa layo ug magdungan sa pagbasa diha sa telepono.
Paglista og mga pangutana nimo kabahin sa Dios ug dayon pangitaa ang mga tubag samtang ikaw magbasa.
Motan-aw og video gikan sa BookofMormonVideos.org o BibleVideos.org.
Pag-abli sa mga kasulatan sa bisan unsa nga kapitulo ug mosugod og basa.
Kanta og himno ug dayon tan-awa ang mga kasulatan nga gilista sa katapusan sa kanta.
Bisitaha ang topics.ChurchofJesusChrist.org ug pagtuon og butang nga makapainteresado kanimo.
Pangitaa diha sa online ang artwork nga nagpakita sa istorya sa kasulatan nga imong gitun-an.
Basaha lang ang mga ulohan sa kapitulo ug mga ulohan nga seksyon sa libro.
Pagpatukar og manuhot-suhot nga musika samtang magbasa og kusog.
Pangita og mga paagi nga ang matag kapitulo sa kasulatan adunay kalabutan ngadto sa templo.
Kon ang kasagaran nimong tun-an ang digital nga mga kasulatan, sulayi ang pagbasa sa giimprinta nga kopya, o baliha [vice versa].
Pagpinta o pagdrowing og sitwasyon sa usa ka kasulatan o istorya.
Kunohay gitudlo ka sa pagpamulong sa simbahan mahitungod sa usa ka hilisgutan, ug pagtuon niini.
Human sa pagbasa og usa ka paborito nga kapitulo sa kasulatan, isulat kini og usab diha sa imong kaugalingon nga mga pulong.
Sunda ang mga footnote diha sa usa ka paborito nga bersikulo, dayon sunda ang mga footnote diha sa mga bersikulo nga ikaw gigiyahan, dayon sunda kadto nga mga footnote, ug uban pa.
Magpuli-puli sa pagbasa og kusog sa mga bersikulo uban sa mga higala ug maghisgot mahitungod sa unsay inyong gibasa.
Gamita ang Giya ngadto sa mga Kasulatan sa pagtuon sa usa ka pulong o hilisgutan.
Pangitaa ang tanan nga mga kasulatan diha sa mga mugbo nga sulat sa katapusan sa usa ka pakigpulong sa kinatibuk-ang komperensya.
Ibutang ang usa ka kasulatan sa dapit nga inyong makita sa kada adlaw ug maningkamot sa pagsag-ulo niini karong semanaha.
Magsulat og mga kard para sa mga tawo nga dunay makahupay nga mga kasulatan nga gisulat sa sulod.
Gamita ang Gospel Library sa pagpaminaw sa mga kasulatan samtang gibasa og kusog.
I-diagram ang han-ay sa mga panghitabo samtang imong basahon ang Basahon ni Mormon.
Pangita og usa ka “kaabay sa pagbasa sa kasulatan” ug magteksanay sa usag usa kada buntag og usa ka bersikulo.
Sugdi gikan sa katapusan nga kapitulo sa Basahon ni Mormon ug magbasa hangtud sa sinugdanan.
Basaha ang kasulatan nga naglakip og usa ka pagpamatuod, dayon isulat ang imong pagpamatuod.
Kon magpatukar og instrumento, sulayi ang pagsulat og usa ka kanta nga makuha ang pagbati sa usa ka bersikulo.
Pangutan-a ang mga sakop sa pamilya o mga higala mahitungod sa ilang paborito nga mga bersikulo sa kasulatan.
Samtang magbasa ka, drowinga ang mga butang nga gihulagway, sama sa nabali nga pana ni Nephi.
Basaha ug sa-uloha ang mga bersikulo nga gigamit sa mga misyonaryo sa pagtudlo og mga leksyon, nga makita diha sa kapitulo tres sa Isangyaw ang Akong Ebanghelyo.
Pagbasa og usa ka basahon sa Biblia nga wala pa gayud nimo nabasa sukad.
Pagsiksik sa kinabuhi sa usa ka bayani sa kasulatan ug pagsulat og biograpiya nga report.
I-drama ang istorya sa kasulatan isip kabahin sa home evening o sa laing kalihokan sa Simbahan.
Pangita og usa ka kinutlo gikan sa usa ka lider sa Simbahan nga mobagay sa matag kapitulo nga imong mahuman.
Basaha ang tabang sa pagtuon sa kasulatan, sama sa Pasiuna sa Basahon ni Mormon o sa Giya ngadto sa mga Kasulatan.
Paggahin og panahon sa kinaiyahan ug paghunahuna kon sa unsang paagi nga ang unsay imong makita adunay kalabutan sa ebanghelyo, dayon pangita og usa ka bersikulo mahitungod sa unsay imong nakat-unan.

Aduna ka bay imong kaugalingong mga ideya? Ipaambit kini sa imong mga higala!