Pagsulti og Dili, Pagpaminaw og Dili
Ang Langitnong Amahan nahigugma kanato ug gusto nga kita mahimong luwas! Ang pagsulti og dili kon gikinahanglan nato ug ang pagtahud sa uban kon sila mosulti kanato og dili mao ang mga paagi nga ipabilin nato ang atong kaugalingon ug ang uban nga luwas.
Usahay kinahanglan ninyong mosulti og dili sa maayo nga paagi.
“Dili, salamat. Mahimo bang tubig lang ang akoa?”
Karon inyoha nang turno! Hunahunaa nga kamo kinahanglan nga mosulti og dili sa maayong paagi. Unsay mahimo ninyong isulti?
Usahay kinahanglan ninyong mosulti og dili sa mas maisugon nga paagi.
“Dili ko gustong motan-aw niana! Dili kita angay motan-aw niana.”
Karon inyoha nang turno! Hunahunaa nga kamo kinahanglan mosulti og dili sa mas maisugon nga paagi. Unsay mahimo ninyong isulti?
Usahay ang mga tawo mosulti kanato og dili aron sa pagtabang kanato nga magpabiling luwas ug himsog.
“Pasensya, dili ka mahimong muadto. Dili kini luwas.”
Karon inyoha nang turno! Hunahunaa ang usa ka hamtong nga nagsulti kaninyo og dili ug kamo dili ganahan niini. Unsa ang kinahanglan ninyong buhaton?
Usahay ang mga tawo mosulti kanato og dili kon sila mobati nga dili komportable.
“Undanga! Dili ko ganahan niini nga dula.”
Karon inyoha nang turno! Hunahunaa ang usa ka tawo nga mihangyo kaninyo sa pag-undang sa pagbuhat og usa ka butang. Unsa ang kinahanglan ninyong buhaton?
Unsa kaha kon ang mga tawo dili maminaw kon kamo moingon og dili? Unsa kaha kon sila mopasakit kaninyo o mobuhat og butang nga dili maayo?
-
Palayo kon mahimo nimo.
-
Sultihi ang usa ka hamtong nga inyong gisaligan mahitungod sa unsay nahitabo.
-
Hinumdumi nga kini dili inyong sayop.
-
Bisan unsa pay mahitabo, hibaloi nga ang inyong Langitnong Amahan ug si Jesukristo kanunayng naghigugma kaninyo!