Unsaon nato nga makasinati sa makaayo nga gahum ni Kristo?

(Septyembre 28–Oktubre 11)

How can we experience the healing power of Christ

Sa pagpangalagad ni Jesukristo sa mga Nephite, gipakita Niya ang dakong gugma ug ang Iyang makaayo nga gahum ngadto sa tanan nga miduol ngadto Kaniya. Unsa ang atong makat-unan gikan sa kasinatian sa mga Nephite uban sa Manluluwas?

Mga pagsulay sa mga Nephite

Ang mga dekada sa wala pa ang pag-abut ni Jesus kay puno sa pagsulay. Milahutay ang mga Nephite sa:

Sibil nga kagubot (tan-awa sa 3 Nephi 7:1–4).
Pagkadautan ug mga pagkasalawayon (tan-awa sa 3 Nephi 2:3, 7:7).
Diskriminasyon sa kahimtang (tan-awa sa 3 Nephi 6:10–14).
Relihiyoso nga pagpanggukod (tan-awa sa 3 Nephi 1:9).
Gubat (tan-awa sa 3 Nephi 2:17).
Natural nga mga katalagman atol sa tulo ka adlaw nga kangitngit (tan-awa sa 3 Nephi 8).

Ang Pagpangalagad ni Kristo sa mga Nephite

Sa dihang ang Manluluwas mipakita ngadto sa mga Nephite, gidapit Niya ang tanan nga “gitakbuyan sa tanan nga mga matang sa sakit” (3 Nephi 17:7) sa pagduol ug mamaayo. Ang Iyang pagdapit milangkub lapas pa sa bag-ong mga pagsulay sa mga Nephite. Kini magamit sa mga samad nga pisikal ug emosyonal o mental nga gipas-an sa mga Nephite sa ilang tibuok kinabuhi. Si Jesukristo miayo sa “matag usa” (3 Nephi 17:9) ug nangalagad ngadto kanila “sa tinagsa” (3 Nephi 17:21).