Dali, Sunod Kanako: Basahon ni Mormon
Sa unsang paagi nga ako makaampo sumala sa gitudlo sa Manluluwas?
(Septyembre 28–Oktubre 11)
Sa dihang si Kristo mibisita sa mga Nephite, nag-ampo Siya uban kanila mga 11 ka higayon. Pinaagi sa pulong ug ehemplo, Siya mitudlo kanila unsaon nila sa pag-ampo. Ang mga propeta sa ulahing mga adlaw, mga manalagna, ug mga tigpadayag nagpadayon sa pagtudlo kon unsay gitudlo sa Manluluwas mahitungod sa pag-ampo. Ania ang pipila ka mga ehemplo:
|
Unsa ang gitudlo sa Manluluwas |
Unsa ang gitudlo sa mga propeta sa Ulahing mga Adlaw |
|
Mag-ampo alang sa uban (tan-awa sa 3 Nephi 17:14, 17, 21; tan-awa usab sa 3 Nephi 18:23) |
“Ang pag-ampo alang sa uban sa tanang kusog sa atong mga kalag modugang sa atong kapasidad sa pagpaminaw ug sa pagsunod sa tingog sa Ginoo.”1 |
|
“Magbantay ug mag-ampo kanunay” (3 Nephi 18:15) |
“Pinaagi kini sa sinsero ug kinasingkasing nga pag-ampo nga atong madawat ang gikinahanglang mga panalangin ug suporta nga gikinahanglan sa atong pagpakabuhi niining usahay lisud ug mahagiton nga panaw diha sa atong gitawag og mortalidad.”2 |
|
“Pag-ampo uban sa inyong mga pamilya” (3 Nephi 18:21; tan-awa usab sa 3 Nephi 17:3) |
“Kon kamo … [moapil] sa inadlaw nga pag-ampo sa pamilya, …kamo makadawat sa gisaad nga mga panalangin sa Ginoo sa pagpalambo og usa ka matarung nga kaliwat.”3 |
|
Ayaw ibalik-balik sa daghan nga mga pulong (tan-awa sa 3 Nephi 19:24; tan-awa usab sa 3 Nephi 13:7) |
“Ang atong mga pag-ampo kinahanglan nga yano, direkta ug kinasingkasing.”4 |
|
“Padayon sa pag-ampo” (3 Nephi 19:26) |
“Pag-ampo kanunay. Pag-ampo diha sa inyong hunahuna, sa inyong kasingkasing. Pag-ampo nga magluhod. “Ang pag-ampo mao ang inyong personal nga yawe ngadto sa langit. Ang kandado anaa sa inyong habig sa tabil.”5 |