Kabatan-onan
Sa dihang ako na-set apart sa pagserbisyo sa California San Bernardino Mission isip usa ka full-time nga misyonaryo, kauban nako ang akong pamilya. Kini litrato nako nga naggakos sa usa sa akong igsoong lalaki human ko na set apart. Layo na kining byahia para moabut niini nga punto, apan mapasalamaton kaayo ko sa mga kausaban nga akong nakita sa akong kaugalingon ug sa akong pamilya.
Sa akong katapusang duha ka tuig sa high school, grabe ang akong pagkaaksidente sa sakyanan. Sa wala pa kana wala lang gyud ko magbuhat sa mga butang nga angay nakong buhaton. Apan human sa disgrasya, ang akong panglantaw nausab gyud. Ang akong kinabuhi mahimong mawala na unta diha-diha dayon, ug dili ko gusto nga matapos kini sa ingon niana nga paagi. Ang akong bishop mitabang kanako nga makasubay sa husto nga dalan: pagbasa sa Basahon ni Mormon kada adlaw ug pag-andam sa pagserbisyo sa misyon.
Ang pagdagan mao ang akong sport, akong hilig. Human sa disgrasya, wala ko makaapil sa dula nianang panahona ug naghunahuna ko unsa nalang ang anaa kanako. Apan midangop ko sa Ginoo, ug sa akong paghimo niini, nindot kaayo ang akong duwa sa dagan sa misunod nga tuig. Anaa gihapon ang mga panglimbasug, apan unsay nausab mao nga imbis magbuhat ko niini alang sa akong kaugalingon, ako nagbuhat niini alang sa Ginoo.
Ang pagkakita lang kon unsa ka daghan ang mga panalangin nga mahimong moabut gikan sa kahingpitan sa ebanghelyo mao ang nakapausab kanako. Tungod kay nakadawat ko sa tanan nianang kamaya ug kalipay, gusto nako nga isabwag kini sa tibuok kalibutan. Nangandoy ko nga ang mga tawo makaangkon sa hingpit nga kalipay nga akong naangkon sa matag adlaw tungod sa ebanghelyo. Ug mao kana nganong nagserbisyo ko og misyon: aron motabang sa “pagpahinabo sa pagka-imortal ug kinabuhing dayon sa tawo” (Moises 1:39).
Garret W., 18, North Carolina, USA