Dali, Sunod Kanako: Basahon ni Mormon
Sa unsang paagi kita makaapil diha sa “kahibulongan nga buhat” sa Ginoo?
(Oktubre 12–18)
Lakip sa daghang butang nga gitudlo sa Manluluwas ngadto sa mga Nephite, Siya mitudlo kanila mahitungod sa pagpundok sa Israel ug misugo kanila sa pagtuon sa mga kasulatan ug sa pagtipig og ilang kaugalingong mga rekord. Sa unsang paagi nga kita makasunod niining mga pagtulun-an karon?
Apil sa Buhat
Si Jesukristo nanagna sa usa ka “kahibulongan nga buhat” sa ulahing mga adlaw (tan-awa sa 3 Nephi 21:9). Kana nga buhat mao ang pagpundok sa Israel. Si Presidente Russell M. Nelson mitawag niini nga “ang labing importanting butang nga nahitabo sa yuta karon” ug miingon, “Kon pilion ninyo, kon gustuhon ninyo, mamahimo kamong dakong bahin niini.”1
-
Sa unsang paagi nga kamo ug ang inyong pamilya makakat-on pa og dugang ug moapil sa pagpundok sa Israel?
Pagsiksik sa mga Propeta
Ang Manluluwas misugo sa mga Nephite sa “pagsiksik sa mga propeta” (3 Nephi 23:5). Kita adunay oportunidad nga makadungog sa buhi nga propeta ug sa ubang mga lider sa Simbahan nga mamulong sa kinatibuk-ang komperensya.
-
Unsay inyong mahimo aron makaangkon og dugang kaayohan gikan sa kinatibuk-ang komperensya?
-
Sa unsang paagi ang “pagpasiksik sa mga propeta” makatabang kanato sa pagpundok sa Israel?
Pagtipig og Record
Si Jesus misugo sa Iyang mga disipulo nga Nephite sa pagtipig og usa ka rekord sa Iyang mga pagtulun-an ug sa mga panagna ni Samuel ang Lamanite (tan-awa sa 3 Nephi 23:4, 6–13). Sa samang paagi, kita mahimong morekord sa atong mga kasinatian sa kinabuhi aron makatabang kanato ug aron makatudlo sa uban.
-
Aduna bay nangagi nga espirituhanong mga kasinatian nga wala ninyo marekord?
-
Sa unsang paagi inyong marekord ang mga butang nga gitudlo sa Dios kaninyo?