Ikapulo nga Peso

Imahe

Tithing Pesos

Si Sofía mimata og sayo. Karong adlawa espesyal kaayo. Maninda siya og lemonada adto sa garage sale sa iyang iyaan ug uyoan! Si Mamá naghimo og lemonada sa dakong pitsel alang kaniya.

Si Sofía naghimo og karatula. Misulat siya og “Lemonada!” sa orange ug yellow nga mga letra. Iya kining gipapilit sa gamay nga lamesa. Dayon milingkod siya aron maghulat.

Sa wala madugay may usa ka tawo nga miagi. “Mahimo ba kong mopalit og usa ka baso?” nangutana siya. Mibutang siya og pipila ka piso diha sa iyang garapon.

“Sigurado!” Miingon si Sofía. Iya siyang giipisan og usa ka baso nga lemonada

Sa hinay-hinay, ang mga tawo nangabut aron motan-aw sa garage sale. Ug sa hinay-hinay namalit sila sa lamian nga lemonada. Ang buntag malipayong milabay. Sa wala madugay nahurot ang lemonada.

Giuyog ni Sofía ang iyang garapon. Mitagingting nga tagmamiso. Aduna na siya’y daghan kaayo!

“Pagkanindot!” Miingon si Papá.

Wala pa sukad si Sofia nakakwarta og ingon ka daghan. “Mopalit ko og usa ka yo-yo!”

Mipahiyom si Papá. “Nakahibalo ba ka kon unsay buhaton ni Mamá ug nako kon duna mi kitaon nga kwarta?”

Milingo-lingo si Sofía.

“Mobayad mi sa ikapulo,” miingon si Papá. “Ang Langitnong Amahan mihatag kanato sa tanang butang. Siya nagsugo nga atong ihatag Kaniya og balik ang gamayng bahin. Kita mobayad sa ikapulo tungod kay kita naghigugma Kaniya.”

Mipahiyom si Sofía. Guswto siya nga mopakita sa Langitnong Amahan nga siya naghigugma usab Kaniya.

Mitabang si Papá ni Sofía sa pag-ihap sa iyang mga piso. Sa kada ihap niya og 10, magbutang siya og usa ka piso diha sa sobre. Mitabang si Papá niya og sulat sa mga numero sa gamayng puti nga papel. Gisulod nila ang papel sa sobre uban sa mga piso. Dayon ila kining gisirado. Si Sofía mohatag niini ngadto sa bishop ugma sa simbahan.

“Unsay imong gibati?” Nangutana si Papá kang Sofia.

“Nalipay kaayo! Ug duna pa gihapon koy kwarta para sa yo-yo.” Mibati siya nga ang Langitnong Amahan nalipay sa iyang pagpili. ●