Wasea na Kosipeli

iVakatakilakila

Sharing the Gospel

E dua na turaga au a cakacaka vua a solia vei au e dua na iVola i Momani. Ia au a sega ni wilika tu me rua na yabaki. Ena dua na Sigatabu, au a taura cake na iVola i Momani ka gole ki na dua na laini ni gaunisala ni sitimanivanua ena taudaku ni taoni au tiko kina e Zimbabwe. Au a dabe sobu ka tekivu wiliwili.

Taumada, a dredre sara meu kila. Ia au wilika tikoga na ivakadinadina nei Josefa Simici ena veigauna. A tara sara na yaloqu na nona vosa.

E muri, e dua a sureti au meu lako mai ki lotu. Taumada, au a sega ni logaloga vinaka, au sa qai dabe tu ga ena yatu e muri. Ia ni sa tekivu mera wasea na tamata na nodra ivakadinadina baleta na iVakabula o Jisu Karisito kei na iVola i Momani, au vakila e dua na ka totoka e lomaqu.

Sega ni dede ni oti oqo, rau sa lako mai na daukaulotu ki na noqu itikotiko raraba. Vakalailai ga au sa papitaiso. Ena vica na yabaki e muri, a ka dokai vei au meu kaulotu ka wasea yani na kosipeli vei ira e vuqa na tamata.

Sa tubu vakalevu sara na Lotu e Zimbabwe. Ia e se levu tu na ka eda rawa ni cakava meda wasea kina na kosipeli, se evei ga na vanua eda tiko kina. Ena masu, vulici ni ivolanikalou, kei na lotu vakamatavuvale, sa rawa mo vakatubura na nomu ivakadinadina ka tiko volekata ga na Tamada Vakalomalagi. Na nomu ivakadinadina ena rawa ni vakalougatataka na nodra bula e vuqa na tamata ena veiyasai vuravura.