Lako Mai, Mo Muri Au: Na iVola i Momani
Eda vakaitavi vakacava e na “cakacaka vakasakiti” ni Turaga?
(12–18 ni Okotova)
Ena kedra maliwa e vuqa na veika a vakatavulica vei ira na Nifaiti na iVakabula, a vakavulica vei ira me baleta na nodra vakasoqoni vata na Isireli ka vakaroti ira me ra vulica na ivolanikalou ka muria na nodra dui ivolatukutuku. Me da na muria vakacava nikua na ivakavuvuli oqo?
Sema mai ki na Cakacaka
O Jisu Karisito a parofisaitaka e dua na “cakacaka vakasakiti” ena iotioti ni gauna (raica na 3 Nifai 21:9). Na cakacaka o ya sa nodra vakasokomuni na Isireli. Sa vakatoka oqo o Peresitedi Russell M. Nelson me “na ka bibi duadua e na yaco e vuravura nikua” ka kaya, “Kevaka mo sa digitaka, kevaka o vinakata, sa rawa me dua kina na nomu itavi levu sara.”1
-
O na vulica ka vakaitavi vakalevu cake vakacava kei nomu vuvale na veika e baleti ira na Isireli kei na nodra vakasokomuni?
Vakasaqarai Ira na Parofita
A vakarota na iVakabula vei ira na Nifaiti mera “vakasaqarai ira na parofita” (3 Nifai 23:5). Sa noda na madigi meda rogoci ira na parofita bula kei na iliuliu tale eso ni Lotu ni ra vosa ena koniferedi raraba.
-
Na cava o rawa ni cakava mo tautauri vakalevu kina mai na koniferedi raraba?
-
Na cava beka e vukei keda ena kena vakasoqoni vata o Isireli mera “vakasaqarai ira na parofita”?
Maroroya na iTukutuku
A vakarota o Jisu vei ira na Nona tisaipeli Nifaiti mera maroroya na itukutuku ni Nona veivakavulici kei na vei parofisai i Samuela na Leimanaiti (raica na 3 Nifai 23:4, 6–13). Sa vakakina, eda na vola na noda dui bula eda sotava me vukei keda ka vakavulici ira eso tale.
-
E tiko beka eso na veika vakayalo o a sotava e liu o se bera ni vola?
-
E rawa vakacava mo vola na veika e vakavuvulitaka vei iko na Kalou?