iTabagone
Ena gauna au sa tabaki kina meu laki kaulotu tudei ki na Tabana ni Kaulotu e California San Bernardino, sa tu e kea vata kei au na noqu vuvale. Oqo na kequ itaba niu mokota tiko e dua vei iratou na taciqu ni oti na noqu tabaki. Sa dua dina na ilakolako balavu me yacova na vanua oqo, ia au sa vakavinavinaka ki na veisau au sa raica vei au kei na noqu vuvale.
Ena ikarua ni iotioti ni yabaki ni noqu vuli torocake, a yaco vei au e dua na coqa vakacala-ka levu. Ni bera o ya au a dau cakava na veika a sega ni dodonu meu cakava. Ia ni oti na vakacala-ka, sa veisau sara ga na noqu rai. A rawa sara ga me kau tani na noqu bula ena gauna sara ga o ya, kau a sega ni vinakata me na tini tu vaka o ya. A vukei au o noqu bisopi meu tu ena salatu dodonu: meu wilika na iVola i Momani e veisiga ka vakavakarau meu laki kaulotu.
Na veitau cici e noqu qito, au dau taleitaka vakalevu. Ni oti na vakacala-ka, sa sega tale niu qito, kau sa vakasamataka na cava beka sa vo tu vei au. Ia au sa gole ga vua na Turaga, niu sa cakava oqo, sa vakasakiti sara na noqu qito ena yabaki a tarava. Se yaco tikoga na veidredre eso, ia na ka sa veisau o ya niu sa sega ni cakava me baleti au, au sa cakava me baleta na Turaga.
Ena noqu sa raica na vuqa na veivakalougatataki era yaco mai ena taucoko ni kosipeli a veisautaki sara na ka oqo. Ni sa yaco vei au na marau kei na reki kece oqo, au sa vinakata sara ga meu vakatetea yani e vuravura raraba. Au sa gadreva tu e lomaqu me yaco vei ira na tamata na reki sa yaco tu vei au e veisiga ena vuku ga ni kosipeli. Oqori na vuna au sa laki kaulotu kina: me vukea “meu vakavuna na tawa mate rawa kei na bula tawamudu ni tamata” (Mosese 1:39).
Garret w., 18, North Carolina, Amerika