“Meu na dau vorata rawa vakacava na yalo galili?”

Au dau ulabaleta rawa na yaloqu galili ena noqu vakatorocaketaka na noqu taledi, ena dua na iyaya ni vakatagi, dua na qito taleitaki, kei na kena tale eso. Oqo ena vukea me vagolea laivi mai vei iko na yalo galili, ka vakawasoma e na lako tani sara vakadua. Oqo ena muataki iko mo kunei ira na tamata ka ra wasea kina na veika o taleitaka.

Au sa vakasaqara na veitokoni, veivakayaloqaqataki, kei na loloma ni Tamada Vakalomalagi kei na Yalo Tabu me solia vei au na vakacegu, na inuinui, kei na kaukauwa niu vakasamataka vakatitobu, masu, kei na wili ivolanikalou. E tukuni kina ena 3 Nifai 11:11, ni o Jisu Karisito “na rarama kei na vu-ni-bula kei vuravura.” A lako mai me kauta tani na butobuto kecega.

Niu dau galili, au dau vinakata me‘u na dodoliga yani vei ira na noqu itokani kei na matavuvale; ni vakavuna sara ga vei au na marau. Au na raica mada na veivakalougatataki ki na noqu bula ka vakavinavinaka vua na Tamada Vakalomalagi ena vuku ni veika lelevu sa solia oti tu vei au!

Meda kila tiko ni mai na ituvatuva ni Kalou, eda sa ka kecega ia eda sega ni galili. Sa dau tiko kei keda na Yalo Tabu, ka sa kila tiko na Kalou na veika dredre eda sa sotava tiko. E a lako curuma na Turaga na veivakatovolei kei na dredre kece o sotava. E dua na ka bibi duadua ni veika eda vakila ena bula oqo sai koya na marau, ia eda sega ni rawa meda bula marau ke sega na rarawa (raica na 2 Nifai 2:11). Masu vua na Kalou ka kerea na veivuke; ena sega ni guce o Koya vua e dua vei keda.

Na noqu biubiu mai vale meu mai kaulotu ki Brazil a ka dredre. Au a sega mada ga ni kila na nodra vosa! Ia au sa vulica ni kevaka e tiko na Yalo ni Turaga vei iko, o na sega vakadua ni galili. E kilai iko ka na dau vukei iko o Koya. Nuitaki Koya!