Lako Mai, Mo Muri Au: Na iVola i Momani
Eda na sotava vakacava na kaukauwa ni veivakabulai nei Karisito?
(28 ni Sepiteba–11 ni Okotova)
Ena veiqaravi nei Jisu Karisito vei ira na Nifaiti, a vakaraitaka kina o Koya na loloma levu kei na Nona kaukauwa ni veivakabulai vei ira kece era sa lako mai Vua. Na cava e rawa ni da vulica maivei ira na Nifaiti ena nodra sotava na iVakabula?
Nodra vakatovolei na Nifaiti
A yavala na veitabagauna sa oti ni bera ni tadu mai o Jisu. Era a vosota na Nifaiti:
-
Lomolomora vakavanua (raica na 3 Nifai 7:1–4).
-
Na ivalavala butobuto kei na caka cala (raica na 3 Nifai 2:3, 7:7).
-
Veivakaduiduitaki ni mataqali tamata (raica 3 Nifai 6:10–14).
-
Vakacacani ni matalotu (raica na 3 Nifai 1:9).
-
iValu (raica na 3 Nifai 2:17).
-
Tavuki ni vanua ena loma ni tolu na siga butobuto loaloa (raica 3 Nifai 8).
Nona Cakacaka na Karisito vei ira na Nifaiti
Ena gauna a rairai kina na iVakabula vei ira na Nifaiti, a sureti ira era a “bikai tu ena veimataqali rarawa” (3 Nifai 17:7) mera gole mai ka mera vakabulai. Na nona veisureti a uasivita sara yani na nodra vakatovolei wale oqo na Nifaiti. Sa baleta tiko na mavoa e laurai se sega a rairai ra kauta tu na Nifaiti ena nodra bula taucoko. O Jisu Karisito a vakabulai “ira kecega” (3 Nifai 17:9) ka mai veiqaravi vei ira “yadua” (3 Nifai 17:21).