Ua I Ai Iinei le Ekalesia
Freetown, Sierra Leone
Ata na pueina e Christina Smith
O le laumua o Sierra Leone ma lona aai aupito tele, o Freetown e nonofo ai le silia ma le miliona o tagata. O se nofoaga autu foi o le malosiaga mo le Ekalesia, faatasi ai ma siteki e tolu, se polokalama o le seminare ma le inisitituti, nofoaga autu e valu o talafaasolopito o aiga, ma se malumalu e le o toe mamao. Sa i ai le Ekalesia i Sierra Leone talu mai le 1988 ma ua:
22,787 tagata o le Ekalesia
79 aulotu
1 misiona
Paaga Tutusa
I le nuu mamao i tuā o Kenema, e fai faatasi ai e le peresitene o le siteki o Jonathan Cobinah ma lona faletua o Amarachi Nneka Cobinah le la tagamea. “Ma te fesoasoani i le tasi ma le isi o se paaga tutusa,” na saunoa ai Jonathan. “O le mea lena o loo aoao mai e le ‘O Le Aiga: O Se Folafolaga i le Lalolagi’ tatou te faia.”