O Le A le Siona?

Na ala mai i le Perofeta o Iosefa Samita, na tau mai ai e le Alii i le Au Paia o Aso e Gata Ai i le 1831 e faapotopoto ma fausia Siona i Initipene, Misuri (tagai Mataupu Faavae ma Feagaiga 62:2–4; 63:24–48). O nisi nei o faamatalaga e uiga i ai i lena taimi:

Sa o se itulagi sa na o le “lua pe tolu ni faleoloa, ma e sefululima pe luasefulu fale e nonofo ai [tagata], sa tele ina fausia i ogalaau na tatipi itu uma e lua.”¹

Na faamatalaina e se isi tagata ia Initipene [o se nofoaga] e “tumu i folafolaga” ae sa na o le “lima pe ono ni faleoo ogalaau, lua pe tolu ni fale sa puipui i laupapa e fafa tulimanu i luga o isi laupapa, lua pe tolu ni fale na ta’ua o faletalimalo, sa masani foi ona tau o fale faatau ava malosi; [ma] ni nai faleoloa.”²

Sa faamatala eEliza Lyman le utiuti o mea na i ai a le latou aiga ina ua latou siitia atu iina: “Sa matou … nonofo i se tamai fale piliki sa lisi e lo’u tamā mo le taumalulu, ona sa lei i ai sona taimi e fau ai [se matou fale]. Sa matou ola matitiva i lena taumalulu, ona sa lei mananao tagata o lena itumalo i ni mea se tele ae nao sana falaoa, tipiga fasipuaa, ae toto/fafaga ni mea itiiti o isi lava mea; o le taunuuga, sa itiiti lava ni mea e faatau mai, ae ou te manatua sa i ai sa matou paelo meli ma ni fualaau faisua na mafai ona matou maua, ae sa leai se falaoa saito, ona sa le mafai ona faatau mai i lena nuu.”³

Mai nei amataga faatauvaa, e oo atu ia Iulai 1833 ua atinae e le Au Paia se afioaga pisi o ni tagata e 1,200. Ae peitai, o le tautoulu na mulimuli ane ai, na tutuli ese ai i latou e tagata faatupu vevesi mai le itumalo ma, i le 1838, mai le setete atoa o Misuri.