Kam Butimwaeaki Nakon te Beeba Ni Kaongora Aei
Baika a Raka Aroia n te ka 192 ni Maungatabu ni Kabuta n te Ririki
Te kakabwaia tera ni karekean kairiiri ao reirei mairoun te Uea inanon taai ni kangaanga aikai, are e kaira ana Ekaretia are e a tia ni kaokaki rinanoia burabeti ao abotoro aika a maiu.
N tain te maungatabu ni kabuta, te Uea e kanakoi kakao aika a mwaiti rinanon ana burabeti, Beretitenti Russell M. Nelson. Aikai tabeua:
1. Tibwa Mwaakan ao ana Rau Iesu Kristo
Beretitenti Nelson e kauringiia membwa ibukin “tibwangara ae tabu n tibwa mwaakan ao ana rau Iesu Kristo nakoia ni kabane ake a kan ongo.” Inanon taai ni kakaewenako aikai, “E riai bwa aomata a na ataa te tabo ae kuneaki iai te kantaninga ao te rau are e ‘[konaki] n ataaki teutana’ [I-Biribi 4:7].”
-
Ni warekan ana wewete Beretitenti Nelson nakoia kairake n ataeinimwaane ake a kona ni katauraoi ni karaoa te mwakuri ni mitinare, taraa “Tataekinan te Euangkerio n Raoi” iteraniba 6.
2. Katea te Maiu n Tamnei ae Tamaroa
E reirei Beretitenti Nelson, “E bati kainnanoan mwakuri aika tamaroa riki n te maiu n tamnei nakon are ti kainnanoia n te tai aei, ni kaitara birimwaakan kekeraken korakoran buren te aonaaba ma kanikina aika a bubuaka.”
-
Karekei nimaua kakao aika onoti mairoun Beretitenti Nelson ibukin karikirakean maiura n tamnei inanon“Mwaakan Karaoan te Maiu n Tamnei” iaon iteraniba 97.
3. Rineia bwa Kona Kanga ni Kabongana Am Tai
Beretitenti Nelson e kabwarabwara bwa iai bwaai tabeua ake a riaon ara kona n tiatianii. “Ma iai bwaai aika ti kona n tiatiani,” e taku, “n raonaki ma aron kabonganaakin ara tai.”
-
Wareka ana kakao Beretitenti Nelson ni kabonganaakin te tai iaon kakabwaian n te tembora n “Aio te Tai” n iteraniba 126.
Ngkai ko kamatebwai ao ni karaoi kakao aikai, ti kaoko bwa kona iangoia n tibwauai am taneiai ma tabeman rinanon te Riaona.