“Tracy Y. Browning,” Riaona, Meei 2022.
Tracy Y. Browning
Kauoman ni Kauntira n te Beretitentii ni Kabuta n te Moanrinan
Tracy Y. Browning ai 15 ana ririki ngke tinana e noora katanoatakin Ana Boki Moomon iaon te terewition n te bwakanako n tai ao e a bubuti reken ana boki ae aki kabooaki.
N te tai ae uarereke, aia mitinare aika Itiaki ni Boong aika Kaitira a karebwerebwe iaon ana mataroa, n anganna Ana Boki Moomon, ao a waaki n anganna reirei n ana euangkerio Iesu Kristo.
N te tai anne, Tracy e maeka i New Jersey, USA, ma tamana, ma e kakawara tinana n tabetai i New York, USA. Ngkana e kawaria, Tracy e mamataku ma te kan atatai ngkai tinana e waakinako nakon ana bwabetito.
N raonaki iroun tibuna te unnaine, Tracy e a tia ni kakaea te taromauri ni Kiritian, are e karekea iai aan ana onimaki ni Kiritian. N te tai ae tawe Tracy e a moanna n iriira te bootaki n taromauri n te Tabati ma aika Itiaki ma tinana.
Te kabanea raoi e roko ngke Tracy e airi ma tinana n ira te Kamataku are ni Maungan Cumorah. N tei n te Buakonikai ae Tabu, n irakin te taromauri, ao n ongora rongorongon te euangkerio n teina ae boou e riingaki nanona. Tracy e tuanga tinana bwa e a tauraoi n reiakina riki taekan te Ekaretia.
“E waekoa ni kateai i mataia mitinare imwiin anne,” e taku Titita Browning.
Tracy Yeulande Browning e bungiaki i New Rochelle, New York, n Okitobwa 9, 1976, nakoia Clive Adams ao Sharon Cox. E ikawairake i Jamaica, New Jersey, ao New York. E mare ma Brady Browning n te Salt Lake Tembora n Meei 2, 1997. Iai natiia aika uoman.
Titita Browning e reirei n St. John’Uniwetiri. E a tia ni mwakuri ma taabo ni mwane inanon 15 te ririki ao ngkai e a riki bwa te tarekita n te Church’s Publishing Services Department. Titita Browning e a tia naba n anganano ni mwakuri ma te National Multiple Sclerosis Society, Habitat for Humanity, ao te United Way’s Day of Caring.
Titita Browning e a tia ni beku bwa te kauntira n te beretitentii n te uoote ao te titeiki beretitentii, bwa te tia reirei n te Bootaki n Aine ao te Reirei n Tabati, ao n te Bootaki n Ataeinnaine. E beku bwa te aetuaetia ni kauntira n te baba n tararua n te Bootaki n Aine ngke e weteaki nakon te Baba n Tararua n te Beretitentii n te Moanrinan.