“Camille N. Johnson,” Riaona, Meei 2022.
Camille N. Johnson
Beretitenti ni Kabuta n te Bootaki n Aine
Camille N. Johnson e a tia n “taainako ni mweengaraoi” n te Bootaki n Aine.
“I kunea te nano n itaritari ibuakoia aine aika a kakaokoro,” e taku man ana taneiai n te Bootaki n Aine, n raonaki ma 30-riki te ririki manna n ana uoote te utu n te United States ao Peru. “I tangira marurungiia ao rabakauia aine n te Bootaki n Aine.”
E a tia ni kuneia ana tia reirei ao raraona n te Bootaki n aine, n raonaki ma ake a ikawai ao ake a uarereke riki nakoina.
“Bon taari ngaira ni kabane n te taneiai are ti uaia n tibwauiaia mai nanora ni kan okira mweengara i karawa ma kakaokoron nako taneiai ake ti kona ni karekei n ibuobuoki i bon imarenara,” e taku Titita Johnson.
Titita Johnson e a tia n riki bwa te Beretitenti ni Kabuta n te Moanrinan n ririki aika a nako. E na waakina ana beku bwa te Beretitenti n te Bootaki n Aine n Aokati 1.
Teuana nakoana ae tatangiria bon te tia reirei n te Bootaki n Aine.
“I a tia n rang tatangira te tibwanga are I kabaeaki iai ma aine ao n reireinaki iroun te Tamnei ao bon imarenara inanon aua aika tabu n te Bootaki n Aine. Ikekei ti kakarabakauakina Kristo ao ti kimwareirei iroun Kristo ao ti maroroakin bwaai aika a kakaawaki ake a riingaki iai nanora.”
E bungiaki Camille Neddo Johnson n Tebetembwa 1963, irouia ana karo Hal ma Dorothy Neddo i Pocatello, Idaho, USA. E mare ma Douglas R. Johnson n Turai 31, 1987, n te Salt Lake Tembora. Iai teniman natiia mwaane ao niiman tibuia.
E reke ana beeba man te Kuura n Reirei i Utah iaon te Ingiriti n 1985 ao man te Kuura n Reirei ae Utah S. J. Quinney College ibukin te Tua inanon 1989. E mwakuri n te maan ae raka iaon 30 te ririki bwa te rooia ao e riki naba bwa te beretitenti n te Snow Christensen & Martineau law firm.
Te beretitenti ngkoa irouia Ataeinnaine n te uoote, Titita Johnson e a tia naba n riki bwa kain te beretitentii n te Bootaki n Aine n te uoote ao te beretitentii n te Moanrinan ao te Intiturakita n te Gospel Doctrine ao te Bootaki n Aine. E a tia naba ni beku ma kainnabana man 2016 nakon 2019 ngke e tararua Peru Arequipa Mition.