Rongorongon Tembora
Beretitenti Russell M. Nelson e katanoatai babaire ibukin katean 17 riki rakan tembora, are a uotaki nakon te ware ae 100 tembora ake a katanoataaki man te tai are e Beretitenti iai n te Ekaretia.
Tembora a na kateaki iaon ke ni uakaan ma Wellington, New Zealand; Brazzaville, Republic of the Congo; Barcelona, Spain; Birmingham, United Kingdom; Cusco, Peru; Maceió ao Santos, Brazil; San Luis Potosí ao i Mexico City Benemérito, Mexico; ao n te USA, Tampa, Florida; Knoxville, Tennessee; Cleveland, Ohio; Wichita, Kansas; Austin, Texas; Missoula, Montana; Montpelier, Idaho; ao Modesto, California.
Rakan riki Kaongora
Man te kabanea ni maungatabu ni kabuta, tembora a tia ni katabuaka ke ni manga katabuaki, katanoata ibukin kaukan auti, ao katabwenaan aontano a tia ni baireaki ni katobibia te aonaaba.
Te Winnipeg Manitoba Tembora (Canada) ao te Pocatello Idaho Tembora (USA) a tia ni katabuaki, ao te Mesa Arizona Tembora (USA) e a tia ni manga katabuaki. Bong ni katabu ke ni manga katabu ao kaukan auti a katanoataaki ibukin tembora i Yigo, Guam; Praia Cape Verde; Rio de Janeiro, Brazil; Washington, D.C., USA; ao Tokyo, Japan.
Katabwenaan aontano ibukin te Casper Wyoming Tembora (USA), te Pago Pago American Samoa Tembora, te Bacolod Philippines Tembora, ao te Freetown Sierra Leone Tembora. A baireaki tain katabwenaan aontano ibukin tembora n taabo aikai n te USA: Grand Junction, Colorado; Lindon, Utah; Farmington, New Mexico; Elko, Nevada; Burley, Idaho; Yorba Linda, California; ao Smithfield, Utah.
Taabo a bon katanoataaki, ao tamnei ake a kona n nooraki a katauraoaki, ibukin te Cape Town South Africa Tembora, te Querétaro Mexico Tembora, ao te Ephraim Utah Tembora.
Onobwai
Katean ao mwakuri n onobwai a reitinako iaon angiin tembora ni kabuta te aonaaba, n raonaki ma mwakuri n onobwai n te Salt Lake Temple ao aontano, n raonaki ma taabo ake a kakawaraki n ana Kateitei Aobitin te Ekaretia. Te karikirake e na karaka, tamaroan, ao tikiraon te tembora ao aontano are katobibia, n onei mwiin bwaai ni mwakuri ake a bane taia, ao karekean kamanomano ao totoko n ana urubwai bibitakin kanoan te bong.
Te tembora e kamatoaki riki ni kaitara korakoran mwaingingin aon te aba ni korakorana ae 7.2; aan kateitei a tia ni kakorakoraki ao ni kateimatoaki, butin te iti ao bwaibu a tia n onobwaiaki; a kateaki tabo n rin aika a boou; onobwaian aontano n tabo ake a uruaki ao kaboraoan aontano e a tia ni manga karaoaki ni kauarerekea rawawatan te tano iaon kateitei ake i iaantano; ao mwakuri ni katamaroa a na karaoaki nakon tanon te tembora ao aobiti a na manga kabouaki bwa aonga ni kantara ao ni butimwaai ibukin te roroko. Onobwai, ake a waakinaki inanon 2020, a baireaki taia bwa a na tabwanin inanon 2025.
Onobwai a reitinako naba iaon tembora i Hamilton, New Zealand; Hong Kong, China; ao Columbus, Ohio, ao St. George ao Manti, Utah, USA. Ibukin tein tembora ake tabeua, taraa te rinke are inano.
Oki Nakon Aroia
N te reta nakoia taan kairiiri n te Ekaretia are e bonginaki ni Maati 15, 2022, te Moan Beretitentii e katanoata bwa tembora ni kabuta te aonaaba a na karaurau n okira aroia are mai imwaina. Aio are e na raonaki ni kanakoan rabunan te ubu ao tiatianakin te mwaiti, ni kaineti ma kangaangan bwaai ake a riki n te tabo. Katean tembora nako a na baireaki irouia beretitenti n te tembora ao Beretitentii n te Aono, n reitaki ma Kateitei n te Tembora.