J. Anette Dennis

Imwiin kabanean ana tai ngke e uarereke n taabo aika a kakaokoro n te United States, Titita Jeannie Anette Dennis e taku bwa miina e a tia ni koro bukina ngke e mwaing ma ana utu nako Cottonwood Heights, Utah.

“I taku bwa aomata ni kabane i Utah a bon bane ni kaaina te Ekaretia ao e na reke karawa ikai,” e taku.

Inanon tabeua te bong inanon ana karuaiua n ririki n te reirei, e kukurei ni kaoaki nakon te bukamaru. Ma te ataeinnaine are e a riki bwa raraona e kauringnga bwa naake n te bukamaru a na bae ni kabongana te turaki.

“I waekoa n ataia bwa te aonaaba e mena n tabo ni bane,” e taku. Ana koaua ao mweengana are e boboto iai te euangkerio, ngaia are e kateimatoa bwa e na korakora inanon ana reirei n te kauarinan.

E bungiaki i Provo, Utah, inanon Tuun 1960, Jeannie Anette Herrin ngaia te kabanea n ikawai irouia natin Curtis Lamar ao Patricia Joanne Herrin aika itiman. Nakoan tamana e karika mwaingin aia utu nako Mississippi, Tennessee, Iowa, Nebraska, ao Utah.

E karekea rabakauna n te elementary education n te Brigham Young University ao ana kauoua n te Spanish. N aia tai ni mwananga n aia kiraati nako Mexico, e kaitibo ma Jorge Dennis, ao ngaiia uoman a moana aia rereitaki.

Ngke e mwaing teuaei nako Salt Lake City te ririki are imwiina n reirei n te Ingiriti, a moana kakaitiboia. Tabeua te namwakaina imwiina, ao a kabae. A mareaki n te Salt Lake Tembora n Tebetembwa 4, 1980. Iai aman natiia ao ruaman tibuia. A maeka i Bountiful, Utah.

Titita Dennis, e kamatoaki n Eberi April 2, ao e na waakina ana beku bwa te Moan Kauntira n Ana Beretitentii ni Kabuta n te Bootaki n Aine n Aokati 1. E beku bwa te kauntira n te baba n tararua n te Moanrinan ni kabuta ao kainabana e kauntira n te Davis County communications.

Man 2013 nakon 2016 e beku ma kainnabana ngkai e tararua te Ecuador Guayaquil West Mition. E a tia naba ni beku bwa te tia ibuobuoki nakon te meituren n te Guayaquil Ecuador Tembora, te tia koroboki n te Bootaki n Aine n te titeiki, kauntira n te beretitentii n te Bootaki n Ataeinnaine, tia reirei n te Bootaki n Aine, ao te tia mwakuri ibukin otenanti n te tembora.