“Unimwaane James W. McConkie III,” Riaona, Meei 2022.
Unimwaane James W. McConkie III
Mataniwi ni Kabuta n te Itingaun
Ngke e roko Unimwaane James W. McConkie III i Czechoslovakia i 1990 ngke te mitinare ae te kairake, te aba anne e a bon otinako man te tautaeka ni kominiti ao e a tauraoi ni ukoukora taekan te aro ao ni manga onimaki. “I bon roko raoi n te tabo iaon te tai ni kaitibo ma aomata n te tai are a kainnanoai iai,” e taku.
E okira te aono imwiina bwa te tia mwakuri ae mwaatai, n uaia ni bwaibwai ni katean te bootaki ae aki karekemwane, ao imwiina e riki bwa te beretitenti n te Czech/Slovak Mition.
Ngke 12 ana ririki, ana karo a kaoia bwa e na kamatebwai n te boki irouia taan kairiiri n te Ekaretia ao imwiina a maroroakina te bwai are e a tia ni warekia. “Tamau ao tinau a kakoaua kakaawakin reireinaia natiia te euangkerio, n aron are e kaotaki n Reirei ao Berita aika Tabu,” e taku Unimwaane McConkie. “Mwakoro 68 e kaoiia kaaro bwa a na reireiniia natiia ‘te reirei iaon te rairannano’ ao ‘onimakinan Kristo’ (kibu 25). Au karo a rang n nanonna raoi.”
Ana namakin ibukin mwaakan te euangkerio ni bitiia aomata e roko n nene inanona. E nooria bwa te bwai naba anne e riki nakoia aika Itiaki n te tautaeka ae Inaomata i Czech ao Slovakia.
Unimwaane James Wilson McConkie III e bungiaki n te Kaawa ae Salt Lake i Utah, USA, n Aokati 27, 1971, nakoia James Wilson McConkie II ao Judith Miller McConkie. E mare ma Laurel Springer n Turai 1995 n te Salt Lake Tembora. Iai aman natiia.
Unimwaane McConkie e reke ana beeba man te University i Utah n te history n 1995 ao e karekea ana tikuri iaon te tua n 1999 man te National Law Tienta n te George Washington University. N te tai aei e mwakuri bwa te attorney i Workman Nydegger ao te tarekita n te Wallace Toronto Foundation, are e buoka kateana.
Unimwaane McConkie e beku bwa te beretitenti n te titeiki n te tai are e weteaki iai. E a tia naba n riki bwa te bitiobi, te kauntira ae rietaata, kauntira n te bitioburiki, tia kairiiri n te uoote mition, kauntira n te beretitentii n aia kooram unimwaane, tia reirei irouia mitinare ake a katauraoi, tia reirei n te Gospel Doctrine, ao te beretitenti irouia Ataeinimwaane.