Unimwaane Jonathan S. Schmitt

Unimwaane Jonathan S. Schmitt e taku “te tatauraoi” bon ngaia te bwai are e uotia nakon nakoana ae e boou ngke e kamatoaki bwa te Mataniwi ni Kabuta n te Itingaun.

“Akanne bwaai aika a riai n iai iroura,” e taku. “Tera ae e nanonaki n te nano ae uruaki ao te tamnei ae raraoma bon ngaia are ko katoka nanom iaon te bao ni karea ao ko kariaia te Uea bwa e na karaoa Ana kantaninga mai ikanne.”

E reitia Unimwaane Schmitt, “Te Uea e kona n anganiira te korakora, te tarena, ao te bwaintangira are ti kainnanoia ibukin katiaan Ana mwakuri. Ma ngkana ti aki katauraoira Nakoina, ngkanne ti bon rineia ao ti aki anganna Ana tai ni kakabwaiai ara mwakuri ni beku Ibukina.”

Jonathan Stephen Schmitt e bungiaki n Eberi 16, 1973, i Mesa, Arizona, USA, irouia Robert Edward ao Dianne Lyda Schmitt. E ikawai rake i Yuma, Arizona. N Turai 21, 1995, e mareaki ma Alexis Swain Udall n te Mesa Arizona Tembora. Boni kaaro ae aman natiia.

Unimwaane Schmitt e karekea ana bachelor of science degree n te agricultural and resource economics n 1997 ao te juris doctor degree in 2000, ni kauoua man te University mai Arizona.

Imwiina ana beku bwa te kiraaka n te tua ibukin te Boowi ae Rietaata i Arizona, e mwakuri bwa te attorney ibukin te tua inanoa n ana bootaki Akin Gump Strauss Hauer & Feld LLP. Imwiina e riki bwa te attorney ao litigation counsel ibukin te bootaki ae te Baker Hughes Incorporated. N raonaki ma anne, e riki bwa te kauoman ni beretitenti n te Arizona State University.

Unimwaane Schmitt e beku bwa te Itingaun i Mainiku Maeaon Aonon Amerika Meang ngke e weteaki bwa te Mataniwi ni Kabuta n te Itingaun. Weteakina mai imwaina e beku bwa te beretitenti n te California San Diego Mition man 2014 nakon 2017, beretitenti n te titeiki, bitiobi, kauntira n te titeiki beretitentii, kauntira ae rietaata, beretitenti n te kooram n unimwaane, tia koroboki ni kakoroi mwiin moti n te uoote, kauntira n te beretitentii n te titeiki n te bootaki n Ataeinimwaane, tia kairiri n aia kurubu ibonga aika rietaata, tia reirei ibukin katauraoaia mitinare, ao te mitinare ae bwanin ana tai n te California Fresno Mition.