Ibukin Kakorakoraia Kairake Kairi aika Boou

Te Ekaretia e a tia ni manga rinanon ana kairi ibukiia kairake irouia Aika Itiaki ni Boong aika Kaitira. Ibukin Kakorakoraia Kairake: Te Kairi Ibukin Karaoan Rinerine e kaoia kairake bwa a na kamwakuri inaomataia n rinerine ao n ukoukori kairi mai ieta ni maiuakin ana kainibaire te euangkerio.

“Te kairi ae te kabane n tamaroa are ko kona ni karekea ibukin karaoan te rinerine bon Iesu Kristo. Iesu Kristo bon korakoraia te roronrikirake,” e reirei Unimwaane Dieter F. Uchtdorf man te Kooram n Abotoro n te Tengaun ma Uoman ni moaningabongin te Kaonobong n te tetere ni maungatabu ni kabuta. “Oin te Kantaninga Ibukin Kakorakoraia Kairake bwa e na kairiko Nakoina. E reireiniko te koaua ae akea tokina n Ana euangkerio ae kaokaki—koaua iaon antai raoi ngkoe, antai Ngaia, ao tera ae ko kona ni katia ma Korakorana” (“Jesus Christ Is the Strength of Youth,” Riaona, Nobembwa 2022, 10–11).

Kairake a kaungaaki bwa a na kabonganai reirei inanon te kairi ni karaoi rinerine aika a raraoi ni waakin ni kabane maiuia. Kaaro, taan kairiiri, ao te roronrikirake a na tangiria ni kamatebwai ao n tibwai kainibaire ni mweenga, ni bootakin Tabati, ao ni waaki ni kakukurei, n raonaki ma kaembwa ao maungatabu ibukiia kairake. Taan kairiiri irouia Ataeinimwaane ao Ataeinnaine a na bae n tangiria n tainako ni kabwarabwarai reirei ake a reke inanon te kairi. Reirei akanne a kona naba ni boboto iaon kainibaire n te tairiki ni katoa ririki ibukiia te roronrikrake ma aia karo.

Te kairi ae boou e tauraoi iaon bwaai n reitaki n taetae aika 50 n aia tiekition Kairake n te Gospel Library ao n youth.ChurchofJesusChrist.org. Kaobi ake a boretiaki a na waekoa ni kanakoaki nakoia uoote ao mwaanga nako ni kabuta te aonaaba.