Beretitenti Nelson E a Riki bwa te Kabanea n Ikawai irouia Beretitenti n te Ekaretia

E bungiaki n Tebetembwa 9, 1924, Beretitenti Russell M. Nelson e a tibwa bukamarua ana ka 98 n ririki. N Eberi 14, 2022, e a riki bwa te kabanea n ikawai ni Beretitenti n rongorongon te Ekaretia.

N ururing rikaaki iaon ana beku ao maiun Beretitenti Nelson, Beretitenti Dallin H. Oaks, te Moan Kauntira n te Moan Beretitentii, e taku, “Bon ngaia te tia kairiiri ae tamaroa man rabakau ao te aomata ae te kabanea n nimamannei man kakateke are ko kona ni kantaningaia bwa kona irekereke ma ngaia.”

Beretitenti Henry B. Eyring, te Kauoman ni Kauntira, e kaota ana iango ibukin tibwangan Beretitenti Nelson ngkai ana burabeti te Uea: “Ni katoatai are ti otinako iai man ana aobiti, Beretitenti Oaks ao ngai ti kangai, ‘E a manga riki naba.’ Ko atia n noori kaotioti bwa a roko. Ko na nooria ni bubuti ibukin reirei, ao imwiina e na roko te babaire ao ni kabane ake inanon te ruu a ataia bwa e eti ao bon mairoun te Atua. E ti karaurau ni kangai, ‘I taku bwa aio ae tangiria te Uea bwa tina karaoia.’ E riki te taina imwiin te taina.”