E Teimatoa te Waaki iaon Tembora aika Boou

Beretitenti Russell M. Nelson e katanoatai 18 tembora aika boou n te tetere ni bwakantaain te Tabati n te maungatabu ni kabuta n Okitobwa 2022. Tarai nnen tembora n ana kabanea ni maroro iaon iteraniba 121.

Tembora aikai a tia ni katabuaki ke ni manga katabuaki mai imwiin te kabanea ni maungatabu n Eberi:

• Te Rio de Janeiro Brazil Tembora e katabuaki ni Meei 8.

• Te Yigo Guam Tembora e katabuaki ni Meei 22.

• Te Praia Cape Verde Tembora e katabuaki n Tuun 19.

• Te Hong Kong China Tembora e manga katabuaki n Tuun 19.

• Te Tokyo Japan Tembora e manga katabuaki n Turai 3.

• Te Hamilton New Zealand Tembora e manga katabuaki n Okitobwa 16.

• Te Belém Brazil Tembora e na katabuaki n Nobembwa 20.

• Te Quito Ecuador Tembora e na katabuaki naba n Nobembwa 20.

• Te San Juan Puerto Rico Tembora kaukana e baireaki neweabakina nakon Ritembwa 1–17. E na katabuaki n Tianuare 15, 2023.

Katabwenaan aontano e karaoaki ibukin tembora aikai: Grand Junction Colorado (USA) Tembora, Lindon Utah (USA) Tembora, Farmington New Mexico (USA) Tembora, Elko Nevada (USA) Tembora, Burley Idaho (USA) Tembora, Smithfield Utah (USA) Tembora, Yorba Linda California (USA) Tembora, Lubumbashi Democratic Republic of the Congo Tembora, ao Ephraim Utah (USA) Tembora.

Katabwenaan aontano a baireaki taia ibukin te Willamette Valley Oregon (USA) Tembora ao te Heber Valley Utah (USA) Tembora.