Ausia E Se Tagata Volipolo Maoa’e Se Maualuga Fou Ua Tuua ai le Taaloga ina ia Auauna Atu i Isi

O le faifeautalai lea e faasa’oina pusa masani uma lava—na te ofuina se ofutino paepae ma se fusiua, e saunia ana tusitusiga paia, ma i ai se faatuatuaga faalenatura i le Atua. Ae e i ai seisi mea e tulaga ese ai lava Elder Gavin Chambers mai le toatele.

O Chambers e 206 senitimita (6-futu 9-inisi) o se tagata taalo volipolo filifilia o Amerika! Mai Korona, Kalefonia, ua fesuiai ona laei volipolo mo faamoemoega o se faifeautalai faamisiona.

Sa auauna ai Elder Chambers i le eria a Papatoetoe o le Misiona a Niu Sila Aukilani, lea na lei leva nei ona amata aoaoina ai e ia se soa faamisiona laitiiti, o Elder Bryce Jacobson. “Ou te matuai vaai maualuga lava ia Elder Chambers,” o le tala lea a Elder Jacobson, o loo manino lava lana faasino ia te ia o se soa matua. Ae i lona umī maualuga, o le vaai maualuga ia te ia o se mea ua masani ai lava ia Chambers.

E umī lava o ia. “E oo mai i le taimi ua 13 o’u tausaga ua ou 182 senitimita (ono futu). Ae o le oso o lo’u tupu a’e moni lava na le i amataina seia oo i lo’u tausaga lona lua i le aoga maualuga.” Na ia ausia lona maualuga atoa ina ua oo i lona tausaga faaiu, ma, e pei lava o le toatele o tamaiti maualuluga, na i ai lava le manatu o le a taalo pasiketipolo o ia. Ae e le o le mea lena na oo i ai.

“Ou te le i fiafia lava i le pasiketipolo,” o lana tala lea. “Na masani lava ona ulagia a’u e isi tamaiti ma faiaoga, fai mai e le mafai ona ou oso.”

Nai lo lena, sa uunaia lava o ia e lona tina e faataitai se au volipolo liki o le lotoifale. “Ou te le i maua lava se matua fiafia tele i seisi lava taaloga muamua,” fai mai a Chambers. “Na avea ma a’u vaisu! E ui lava ou te le lelei tele, ae sa ou alu i le fale ma ta’u ia Tina o le volipolo o le taaloga lea mo a’u!”

O aoaoga lelei tele a le kalapu na fesoasoani ia te ia e maua ai lona tulaga i le taaloga, ma ona o le maoae tele o lona maualuga, o lea na latou tofia ai o ia o se poloka ogatotonu. Mulimuli ane, o le avega mamafa o le “umī tele” na amata ona aogā. Ina ua mavae se vaitau o kalapu volipolo, sa finafinau o ia e auai i le au a lana aoga maualuga ma faataitai ai ona tomai fou. Ae na tupu se mala i lana uluai taaloga lava.

“Na ou oso ma faalautele atu a’u e taumafai e poloka se polo, ma ina ua ou foi ifo i lalo na ou tu ai i le vae o le alii i le isi itu o le neti ma gau ai loa lo’u tapuvae,” o le faamatalaga le a Chambers. “Sa manaomia ona ou seeina se seevae soloatoa i taimi uma ma na le mafai ai ona ou taalo i le vaitau o lo’u tausaga muamua.”

“O se mea na ou le fiafia ai le agai i luma i le taaloga fou lea sa ou matua fiafia lava i ai, ae toe lusi atoa lena vaitau taalo.”

Ae mai le efuefu o lena faalavelave na tulai ae ai se “avanoa faafouina maoae”. I le isi tolu tausaga na sosoo ai na avea Chambers o se fili matautia i luga o le malae, ma tosina atu ai le vaai a au volipolo a kolisi i le Iunaite Setete atoa. Na ia teena sikolasipi na ofoina mai e aoga pito i luga—e aofia ai Stanford ma UCLA—ae lagolagoina le mea sa sili ona manao moni lava i ai: o le taalo mo le au e iloga le tulaga i le atunuu o le Iunivesite a Polika Iaga i Provo, Iuta (ISA).

Na faaiuina le avanoa e taalo ai Chambers i lona talavou i le taumafanafana o le 2022, faatasi ai ma le manumalo o lana Kalapu Volipolo a Orange Coast i le suega siamupini volipolo a kalapu faaleatunuu 18 tausaga i lalo. Na valaauina ai Chambers o le au-muamua a Amerika e le Asosi a Faiaoga Volipolo a Amerika. Ua ta’u seseina e le tamaititi na “le mafai ona oso,” ia le au taufaaleaga uma lava o na aso tau amata.

“Ina ua mavae lena tauvaga . . . Sa ou faaalu se lua vaiaso e faafiafiaina ai i le fiafiaga o le mea atoa—Na ou asoaina la’u pine auro . . . ma faagaeetia i le faailoga,” fai mai ai Chambers. “Ae peitai, na ou iloaina lava ua oo mai le taimi e agai ai i luma i lo’u olaga.”

O le uiga o lena mea o le taliaina o lona valaauga e auauna o se faifeautalai mo Le Ekalesia a Iesu Keriso o le Au Paia o Aso e Gata Ai. Faatasi ai ma lona ta’uta’ua fou, e manatu se tasi o le a faigata ona savali ese mai le volipolo, ae ua uma ona faia lena filifiliga e Chambers a o avea o se alii 12 tausaga le matua. Na manao o ia e auauna i le Alii e ala i le valaauliaina o isi e o mai ia Keriso. O le alu i le misiona o le mea sa’o e tatau ona fai.

“E moni, sa faigata ona tuu le taalo volipolo . . . ae sa ou tatalo e uiga i lenei filifiliga, ma sa ou lagonaina le to’afilemu o le fuafuaga a Tama oi le Lagi mo a’u o le auauna lea i se misiona i le taimi lava e uma ai le aoga maualuga.”

Fai mai o ia o le filifili vave i lona olaga na mafai ai ona matua faigofie ona pulea uma isi mea na semanu e avea o ni poloka i le ala agai i le auaunaga faamisiona. “E te manao e faamautinoa foi e te tatalo e uiga i lena filifiliga, aua atonu e i ai nisi ou manatu e uiga i le mea e te manao e fai i lou olaga, ae o lau fuafuaga ma le fuafuaga a Tama Faalelagi mo oe e ono eseese.”

Talu ai ona o tulaga tau visa mo Niu Sila, o lea na amata ai le auaunaga faamisiona a Chambers i le Misiona a West Virginia Charleston. O iina, na vaai ai o ia i tagata matua tulaga mafatia tele faaletamaoaiga, ae na maua e Chambers o i latou o ni tagata lotomaualalo, ua na o le tausaili mo le taitaiga faaleagaga i o latou olaga.

O le Talalelei a Iesu Keriso o le tali.

O le tulaga i Niu Sila e matua ese lava, ae o tagata iinei o loo tausaili foi mo tali i fesili o le olaga. “Ua ma faia ni faauooga i soo se mea ma te o i ai, ma te talanoa i tagata ma faasoa i ai le Fuafuaga a le Atua o le Fiafia ma i latou,” na ia faaauau pea. “E faigata le galuega, ma e teena i maua . . . ae ua i ai lo ma faatuatua maoae tele o le a ma mauaina tagata o e o loo sailia se suiga faaleagaga i o latou olaga,” fai mai ai o ia. “A saunia i latou e faalogo o le a ma i ai iina, e tali a latou fesili ma fesoasoani ia i latou e aoao mea e tatau ona fai.”

“A ou toe tepa nei i tua e mafai ona ou vaai i auala na talia ai e le Alii a’u tatalo, ma fesoasoani ia te a’u e maua le taimi lelei atoatoa e auauna ai,” fai mai ai Elder Chambers. “E ala i le faia o mea i le ala a le Alii, sa mafai ai ona ou mauaina se ofo ou te taalo i se kolisi na mafai ona faatagaina a’u ou te auauna i se misiona ma faataunuu la’u miti faavolipolo pe a maea le misiona.”