“Ko e ʻApí—ko ha Hūfangaʻanga ʻo e Akó,” Liahona, ʻEpeleli 2024.
Talitali Lelei Kimoutolu ki he Makasini ko ʻEní
Ko e ʻApí—ko ha Hūfangaʻanga ʻo e Akó
Neongo pe ko e hā ʻa e tūkunga ho fāmilí, ʻe lava ke tokoniʻi koe ʻe he ʻEikí ke ngaohi homou ʻapí ke hoko ko ha hūfangaʻanga ʻo e akó mo e tupulaki fakalaumālié. Tatau ai pē pe ʻoku ʻi ai haʻo fānau pe ʻikai, te ke lava ʻo hoko ko ha tākiekina lelei kiate kinautolu ʻi ʻapi, ʻi ha uiuiʻi, pe ʻi hoʻo kāinga ofí.
ʻI he “Ko Hono Tokoniʻi Hotau Ngaahi Fāmilí ke Nau ʻAʻeva ʻi he Māmá mo e Moʻoní,” ʻoku fakamatalaʻi ai ʻe ʻEletā Hiuko E. Mātini ʻa e founga ʻoku hoko ai hono fakaʻaongaʻi ʻo e ʻapí ko e uho ʻo e akó pea hoko ai ha liliu lahi. ʻOkú ne tohi ʻo pehē: “ʻOku aʻu pē ki he taimi ʻoku hangē ai ʻoku ʻikai ke tokanga mai ʻetau fānaú, ʻoku ʻikai ke te teitei ʻiloʻi ʻa e taimi ʻoku nau fakafanongo mo ako aí. Ko hono ʻuhinga ia ʻoku fuʻu mahuʻinga ai ke hokohoko maʻu pē ʻa hono vahevahe ʻo e ongoongoleleí” (peesi 12).
ʻOku vahevahe mai ʻe Melilī Palauni Poieki ha founga ʻe tolu ke akoʻi ai fekauʻaki mo e hoko ʻa e fāmilí ko e uho ʻo e palani ʻa e ʻOtuá ʻi heʻene fakamatala “Ko ha Fakavaʻe Mālohi: Ko Hono Akoʻi ki he Fānaú ʻa e Fanongonongo ki he Fāmilí” (peesi 16).
ʻI heʻeku fakamatalá, “Ko e Ikuʻanga Fakalangi ʻo ʻEtau Faānaú,” ʻoku ou tohi ai ʻo pehē ʻi heʻetau ʻiloʻi ʻa Sīsū Kalaisí, ʻe fakatokangaʻi ai ʻe heʻetau fānaú honau natula fakalangí mo e ʻofa ʻa e ʻOtuá kiate kinautolú takitaha (peesi 20).
ʻOku ou fakaafeʻi kimoutolu ke mou vakai ki loto ʻi he makasini ko ʻení ki ha ngaahi fakakaukau mo ha ueʻi fakalaumālie fekauʻaki mo e hoangāue mo e ʻEikí ʻi ʻapi mo ha ngaahi feituʻu kehekehe pē—ko ha hoangāue te ne tāpuekina koe mo kinautolu ʻokú ke ʻofa aí.
W. Justin Dyer, PhD
ʻUnivēsiti Pilikihami ʻIongí